ரூ.7 லட்சம் வரை வருமான வரி இல்லை

புதிய வரி விதிப்பு முறை சீரமைப்பு

வரி விலக்குகள் கிடையாது

வருமான வரி விதிப்பு தொடக்கம் ரூ.3 லட்சம்

ரயில்வேக்கு ரூ.2.4 லட்சம் கோ

புது தில்லி, பிப். 1: விலக்குகள் எதுவும் இல்லாத நடைமுறையில் உள்ள புதிய வரி விதிப்பு முறையின் கீழ் ரூ.7 லட்சம் வரையிலான ஆண்டு வருமானத்துக்கு வரி கிடையாது என 2023-2024ஆம் ஆண்டுக்கான ரூ.45 லட்சம் கோடி மத்திய நிதிநிலை அறிவிக்கப்பட்டுள்ளது.

அறிக்கையில் புதிய வரி விதிப்பு முறையின் கீழ் ஆண்டு வருமானம் ரூ.7 லட்சத்துக்கு அதிகமாகி, வருமான வரிக் கணக்கு தாக்கல் செய்வோருக்கு அடிப்படை வரி விதிப்பு வரம்பு ரூ.2.5 லட்சத்திலிருந்து ரூ.3 லட்சமாக உயர்த்தப்பட்டுள்ளது.

நடைமுறையில் உள்ள புதிய வரி விதிப்பு முறையில் ரூ.5 லட்சம் வரை வருமான வரி செலுத்த விலக்கு அளிக்கப்பட்டிருந்த நிலையில், தற்போது அது ரூ.7 லட்சம் என உயர்த்தப்பட்டுள்ளது; புதிய வரி வதிப்பு முறையின் கீழ் நிரந்தரக் கழிவு ரூ.50,000 அனுமதிக்கப்படுகிறது என மத்திய நிதி நிலை அறிக்கையில் கூறப்பட்டுள்ளது.