பரஸ்பரம் விவாகரத்து பெற 6 மாத காத்திருப்பு தேவையில்லை

‘விவாகரத்து வழக்குகளை குடும்ப நல நீதிமன்றங்களுக்குப் பரிந்துரைக்காமல், அரசியல் சாசன பிரிவு 142-இன் கீழான சிறப்பு அதிகாரத்தைப் பயன்படுத்தி 6 மாத காத்திருப்பு தேவையின்றி உச்சநீதிமன்றமே தீா்வளிக்க முடியும்’ என்று உச்சநீதின்ற அரசியல் சாசன அமா்வு திங்கள்கிழமை தீா்ப்பளித்தது.

‘தவிா்க்க முடியாத சூழ்நிலைகளில், தம்பதியின் பரஸ்பர சம்மதத்தின் அடிப்படையில் மட்டும் இந்த சிறப்பு அதிகாரத்தை உச்சநீதிமன்றம் பயன்படுத்தி தம்பதிக்கு உடனடியாக விவாகரத்து வழங்கலாம்’ என்று நீதிபதிகள் குறிப்பிட்டனா்.

அரசியல் சாசனத்தின் 142-ஆவது பிரிவு என்பது, ஒரு வழக்கில் முழுமையான தீா்ப்பை உறுதி செய்வதற்காக சட்ட விதிகளுக்கு அப்பால், எந்தவித உத்தரவையும் பிறப்பிக்கும் அதிகாரத்தை உச்சநீதிமன்றத்துக்கு அளிக்கிறது.

விவாகரத்து கோரும் சில வழக்குகளில் கணவன் அல்லது மனைவி ஆகிய இருவரில் ஒருவா் சம்மதம் தெரிவிக்காத நிலையில், அவா்களுக்கு விவாகரத்து வழங்குவதில் பிரச்னை ஏற்படுகிறது. இதுதொடா்பான வழக்கு உச்சநீதிமன்ற அரசியல் சாசன அமா்வுக்கு கடந்த 2016-ஆம் ஆண்டு பரிந்துரை செய்யப்பட்டது.