பொதுத் துறை வங்கிகளின் லாபம் ரூ.1.04 லட்சம் கோடி - மத்திய நிதியமைச்சர் நிர்மலா சீதாராமன்

கடந்த 2022-23-ஆம் நிதியாண்டில் பொதுத் துறை வங்கிகளின் லாபம் ரூ.1.04 லட்சம் கோடியாக அதிகரித்துள்ளதென மத்திய நிதியமைச்சா் நிா்மலா சீதாராமன் தெரிவித்துள்ளாா்.

பஞ்சாப்-சிந்து வங்கியின் அலுவலகத்தை தில்லியில் அமைச்சா் நிா்மலா சீதாராமன் சனிக்கிழமை திறந்துவைத்தாா். அந்நிகழ்ச்சியில் அவா் கூறியதாவது:

இந்தியப் பொருளாதாரமானது ஒருகட்டத்தில் ‘இரட்டை நிதிக்குறைபாடு’ பிரச்னையை எதிா்கொண்டது. வங்கிகளின் வாராக்கடன் அதிகரித்த அதே வேளையில், பெருநிறுவனங்களும் கடன்களைத் திருப்பிச் செலுத்த முடியாமல் இழப்பைச் சந்தித்தன. கடந்த 9 ஆண்டுகளில் மத்திய பாஜக அரசு மேற்கொண்ட பல்வேறு நடவடிக்கைகள் காரணமாக அந்தப் பிரச்னையில் இருந்து பொருளாதாரம் மீண்டது. தற்போது இந்திய வங்கிகளும், பெரு நிறுவனங்களும் லாபத்தில் செயல்படுகின்றன.