தமிழகத்தில் 21 இடங்களில் என்ஐஏ சோதனை

முக்கிய ஆவணங்கள் பறிமுதல்

தமிழகத்தில் 9 மாவட்டங்களுக்குட்பட்ட 21 இடங்களில் தேசிய புலனாய்வு முகமை (என்ஐஏ) அதிகாரிகள் நடத்திய சோதனையில் பல முக்கிய ஆவணங்கள் கைப்பற்றப்பட்டன.

கும்பகோணம் அருகே உள்ள திருபுவனம் மேலத்தூண்டில் விநாயகம்பேட்டை பகுதியைச் சேர்ந்தவர் ராமலிங்கம். பாமக முன்னாள் நகரச் செயலரான இவர் கடந்த 2019இல் படுகொலை செய்யப்பட்டார். இவர், அந்தப் பகுதியில் நடைபெற்ற மதமாற்றத்தை எதிர்த்து வந்ததால், கொலை செய்யப்பட்டதாக தகவல்கள் வெளியாயின.

இது தொடர்பாக திருவிடைமருதூர் போலீஸார் வழக்குப் பதிவு செய்து குறிச்சிமலையைச் சேர்ந்த முகமது ரியாஸ், நிஜாம் அலி, சர்புதின், முகமது ரிஸ்வான், அசாருதீன் ஆகிய 5 பேரைக் கைது செய்தனர். மேலும், இந்த வழக்கு தொடர்பாக 18 பேர் மீது வழக்குப் பதியப்பட் டது. பின்னர், இந்த வழக்கு விசாரணை தேசிய புலனாய்வு முகமைக்கு (என்ஐஏ)மாற்றப்பட்டது.அவர்கள் தனியாக வழக்குப் பதிவு செய்து 12 பேரைக் கைது செய்தனர்; சிறையில் ஒரு கைதி இறந்துவிட்டார்.