போக்ஸோ சட்டத்தின் கீழான ஒப்புதல் வயதை குறைக்கக் கூடாது: சட்ட ஆணையம் பரிந்துரை

‘பாலியல் குற்றங்களிலிருந்து குழந்தைகளைப் பாதுகாக்கும் (போக்ஸோ) சட்டத்தின் கீழ் வரையறுக்கப்பட்டுள்ள உறவுக்கான ஒப்புதல் வயதை குறைக்கக் கூடாது’ என மத்திய அரசுக்கு சட்ட ஆணையம் அறிவுரை வழங்கியுள்ளது.

போக்ஸோ சட்டத்தின் கீழ் உடலுறவுக்கான ஒப்புதல் வயது 18-ஆக நிா்ணயிக்கப்பட்டுள்ளது. அதன்படி, 18 வயதுக்கு உள்பட்ட பெண்ணுடன் உறவு கொள்வது பாலியல் வன்கொடுமையாகக் கருதப்படும்.

இந்த நிலையில், இந்த சட்டத்தால் இளம் வயது சிறாா்கள் பாதிக்கப்படுவதாகக் கூறி, பெண்ணின் ஒப்புதல் வயதை 16-ஆகக் குறைக்க வேண்டும் என மத்திய அரசுக்கு மத்திய பிரதேச உயா் நீதிமன்றம் பரிந்துரை செய்தது.

இதுபோல, மேலும் சில தரப்பினரிடமிருந்து எழுந்த கோரிக்கையின் அடிப்படையில், பெண்ணின் உறவுக்கான ஒப்புதல் வயதை 18-லிருந்து 16-ஆகக் குறைக்க சட்டத்தில் திருத்தங்களை மேற்கொள்ள உள்துறை அமைச்சகம் பரிந்துரைத்துள்ளதாக தகவல்கள் வெளியாகின.