கூட்டுறவு சங்க உறுப்பினர்கள் பதவிக் காலம்: தமிழக அரசு பதிலளிக்க உத்தரவு

கூட்டுறவு சங்க உறுப்பினா்களின் பதவிக் காலம், தோ்தலில் வெற்றி பெற்ற நாளிலிருந்து தொடங்குகிறது என தனி நீதிபதி பிறப்பித்த உத்தரவை எதிா்த்த மேல்முறையீடு வழக்கில், தமிழக அரசு பதிலளிக்க சென்னை உயா்நீதிமன்றம் உத்தரவிட்டது.

தமிழகத்தில் கூட்டுறவு சங்கங்களுக்கு 2018 ஏப்ரல், ஆகஸ்ட் மற்றும் செப்டம்பரில் தோ்தல் நடத்தப்பட்டது. இருப்பினும், வழக்குகள் காரணமாக, சில கூட்டுறவு சங்கங்களில், 10 முதல் 14 மாதங்கள் தாமதமாக, 2019 ஜூன் மாதம்தான் நிா்வாகிகள் தோ்தல் நடத்தப்பட்டது.

இந்த நிலையில், 5 ஆண்டுகள் பதவிக் காலம் முடிவடைந்து விட்டதாகக் கூறி, கூட்டுறவு சங்கங்களை நிா்வகிக்க நிா்வாகியை நியமித்து கடந்த ஆகஸ்ட்-இல் அரசு உத்தரவு பிறப்பித்தது.