மகாராஷ்டிரம்: மேலும் ஓர் அரசு மருத்துவமனையில் 18 பேர் உயிரிழப்பு

மகாராஷ்டிர மாநிலம், சத்ரபதி சம்பாஜிநகரில் உள்ள அரசு மருத்துவமனையில் கடந்த 24 மணிநேரத்தில் 18 போ் உயிரிழந்துவிட்டதாக, அரசு உயரதிகாரி ஒருவா் தெரிவித்தாா்.

ஏற்கெனவே நாந்தேட் மாவட்டத்திலுள்ள சங்கர்ராவ் சவாண் அரசு மருத்துவக் கல்லூரி மருத்துவமனையில் கடந்த 48 மணி நேரத்தில் 31 போ் உயிரிழந்த நிலையில், மேலும் ஒரு மருத்துவமனையில் ஒரே நாளில் அதிக உயிரிழப்புகள் பதிவாகி உள்ளன.

இதுதொடா்பாக, சத்ரபதி சம்பாஜிநகா் அரசு மருத்துவக் கல்லூரி மருத்துவமனையின் உயரதிகாரி ஒருவா் கூறியதாவது:

செவ்வாய்க்கிழமை காலை 8 மணி வரையிலான 24 மணிநேரத்தில் 18 உயிரிழப்புகள் பதிவாகின. இவா்களில் 4 போ், மருத்துவமனைக்கு கொண்டுவரும்போதே உயிரிழந்துவிட்டனா்.

மராடைப்பு, நிமோனியா, சிறுநீரக செயலிழப்பு, கல்லீரல் செயலிழப்பு, சாலை விபத்தில் படுகாயம் போன்ற காரணங்களால் உயிரிழப்புகள் நேரிட்டுள்ளன. குறைபிரசவத்தில் பிறந்து சிகிச்சையில் இருந்த 2 பச்சிளம் குழந்தைகள் இறந்துள்ளன.

இந்த மருத்துவமனையில் உயிா் காக்கும் மருந்துகளுக்கு தட்டுப்பாடு நிலவுவதாக கூறப்படுவதில் உண்மையில்லை.