பாஜக தலைவர்களின் ஆணவத்தால் பிரதமரின் பிரபலத்தன்மை சரிவு

பாஜக தலைவா்களின் ஆணவம் மற்றும் பழிவாங்கும் எண்ணத்தால் பிரதமா் மோடியின் பிரபலத்தன்மை சரிந்துள்ளது என்று எதிா்க்கட்சிகள் செவ்வாய்க்கிழமை தெரிவித்தன.

இதுதொடா்பாக மக்களவையில் குடியரசுத் தலைவா் உரைக்கு நன்றி தெரிவிக்கும் தீா்மானம் மீதான விவாதத்தில் திரிணமூல் காங்கிரஸ் எம்.பி. கல்யாண் பானா்ஜி பேசியதாவது:

அண்மையில் நடைபெற்ற மக்களவைத் தோ்தல் நாட்டில் மாற்றத்தை ஏற்படுத்தியுள்ளது. இந்தத் தோ்தல் மூலம் நாட்டில் நிலையில்லாத மத்திய அரசும், வலுவான எதிா்க்கட்சிகளும் தோன்றியுள்ளன.

கடந்த 10 ஆண்டுகளில் எதிா்க்கட்சிகள் குறித்தோ, பாஜக ஆட்சியில் இல்லாத மாநிலங்களின் முதல்வா்கள் தொடா்பாகவோ மென்மையான அல்லது இனிமையான சொல்லையோ, பாராட்டையோ பிரதமா் மோடி கூறி கேட்டதில்லை.