வெனிசூலா தேர்தல் முடிவுகளை எதிர்த்து தீவிர போராட்டம்

வெனிசூலா அதிபர் தேர்தலில் தற்போதைய அதிபர் நிக்கோலஸ் மடூரோ மீண்டும் வெற்றி பெற்றதாக அறிவிக்கப்பட்டதற்கு எதிர்ப்பு தெரிவித்து ஏராளமானவர்கள் தீவிர போராட்டத்தில் ஈடுபட்டனர்.

வெனிசூலாவின் அடுத்த அதிபரைத் தேர்ந்தெடுப்பதற்கான தேர்தல் கடந்த ஞாயிற்றுக்கிழமை நடைபெற்றது. இதில் மடூரோ வெற்றி பெற்றதாக தேர்தல் ஆணையம் திங்கள்கிழமை அறிவித்தது.

அவருக்கு 51 சதவீத வாக்குகள் கிடைத்ததாகவும் முக்கிய எதிர்க்கட்சி வேட்பாளர் எட்முண்டோ கான்ஸôலெஸýக்கு 44 சதவீதம் பேர் வாக்களித்திருந்ததாகவும் அறிவிக்கப்பட்டது.

எனினும், இதற்கு எதிர்க்கட்சிகள் கடும் கண்டனம் தெரிவித்தன. மடுரோவின் ஆதரவாளர்கள் நிரம்பிய தேர்தல் ஆணையம், முறைகேடாக இந்தத் தேர்தல் முடிவுகளை வெளியிட்டுள்ளதாக அவை குற்றஞ்சாட்டின.

இது குறித்து கான்ஸôலெஸýம் எதிர்க்கட்சித் தலைவர் மரியா கார்னியா மாசடோவும் செய்தியாளர்களிடம் கூறியதாவது:

அதிபர் தேர்தலில் நிக்கோலஸ் மடூரோவை எதிக்கட்சிக் கூட்டணி வீழ்த்தியதற்கு எங்களிடம் ஆதாரம் உள்ளது.