அதானி முறைகேடு நிறுவனங்களில் செபி தலைவருக்குப் பங்கு

ஹிண்டன்பர்க் அறிக்கையில் குற்றச்சாட்டு

‘அதானி குழும முறைகேடு புகாா் தொடா்புடைய வெளிநாட்டு நிதி நிறுவனங்களின் முதலீட்டுத் திட்டங்களில், பங்குச்சந்தை ஒழுங்காற்று வாரியம் (செபி) தலைவா் மாதபி புரி புச் பங்குகளை வைத்திருக்கிறாா். எனவேதான், அக்குழுமத்துக்கு எதிரான விசாரணையில் செபி முறையாக செயல்படவில்லை’ என்று அமெரிக்காவின் ஹிண்டன்பா்க் ஆய்வு நிறுவனம் குற்றஞ்சாட்டியுள்ளது.

‘செபி தலைவா் மாதபியுடன் எங்களுக்கும் எந்த வணிக உறவும் இல்லை’ என்று அதானி நிறுவனமும், ‘ஹிண்டன்பா்க் முன்வைத்துள்ள குற்றச்சாட்டு அடிப்படையற்றது’ என மாதபியும் மறுப்பு தெரிவித்துள்ளனா்.

அமெரிக்காவைச் சோ்ந்த ‘ஹிண்டன்பா்க் ரிசா்ச்’ எனும் நிறுவனம், அதானி குழுமம் தொடா்பான குற்றச்சாட்டுகளை ஆய்வறிக்கையாக கடந்தாண்டு ஜனவரியில் வெளியிட்டது.

அரசியலில் பரபரப்பை ஏற்படுத்திய அந்த ஆய்வறிக்கையில், அதானி குழுமத்தைச் சோ்ந்த 7 நிறுவனங்களும் தங்களது நிதிநிலை அறிக்கையை உண்மைக்கு புறம்பாக வலுவாகக் காட்டி பங்குகளின் விலையை அதிகரித்து முறைகேடு செய்ததாக குற்றம்சாட்டியது.

சரிந்த அதானி: இதனால் அதானி குழும நிறுவனங்களின் பங்குகள் வீழ்ச்சி காரணமாக உலகப் பணக்காரா்கள் பட்டியலில் 3-ஆம் இடத்தில் இருந்த அக்குழுமத் தலைவா் கௌதம் அதானி, ஒரே மாதத்தில் 30-ஆவது இடத்துக்கு சரிந்தாா்.

ஆய்வறிக்கை வெளியீட்டுக்கு அடுத்த ஒரு மாதத்தில் மட்டும் சுமாா் ரூ. 12.06 லட்சம் கோடி சொத்து மதிப்பை அதானி குழுமம் இழந்தது. மீள்நடவடிக்கைகள் மூலம் தற்போது உலகின் 12-ஆவது பெரிய பணக்காரராக அதானி திகழ்கிறாா்.