ஆசிரியர்களின் புத்தாக்க முயற்சிகளுக்கு அரசு துணை நிற்கும்

தலைசிறந்த ஆசிரியர்கள் கற்பித்தலில் மேற் கொள்ளும் புத்துணர்வு முறைகளை அரசு எப்போதும் துணை நிற்கும் என்று பிரதமர் நரேந்திர மோடி தெரிவித்தார்.

தேசிய நல்லாசிரியர் விருது பெற்ற ஆசிரியர்களுடன் பிரதமர் நரேந்திர மோடி தில்லியில் உள்ள தனது இல்லத்தில் வெள்ளிக்கிழமை கலந்துரையாடினார். இது தொடர்பான வீடியோவை பிரதமர் தனது சமூக வலைதளப் பக்கத்தில் சனிக்கிழமை வெளியிட்டார்.

இந்த சந்திப்பின்போது ஆசிரியர்கள் தங்கள் கற்பித்தல் அனுபவத்தையும், கற்றலை மேலும் எளிமையானதாகவும், ஆர்வமிக்கதாகவும் மாற்ற தாங்கள் பின்பற்றும் புதுமையான உத்திகளையும் பிரதமருடன் பகிர்ந்து கொண்டனர்.