64 மருத்துவக் கல்லூரிகள் பங்கேற்ற தேசிய மருத்துவப் பயிலரங்கு

மருத்துவக் கல்லூரிகளுக்கு இடையேயான தேசிய பயிலரங்கம் 'ஜெனசிஸ்-24' என்ற தலைப்பில் சென்னை மருத்துவக் கல்லூரியில் தொடங்கியது.

வரும் ஞாயிற்றுக்கிழமை வரை நடைபெறவுள்ள இந்த நிகழ்வில் தமிழகம், புதுச்சேரி மட்டுமல்லாது கர்நாடகம், தெலங்கானா, ஆந்திரம், அஸ்ஸாம், மேற்கு வங்கம், மகாராஷ்டிரம், ஒடிஸா உள்ளிட்ட மாநிலங்களிலிருந்து 64 மருத்துவக் கல்லூரிகளைச் சேர்ந்த 1,700 மாணவர்கள் கலந்துகொண்டனர். நரம்பியல், சிறுநீரகவியல், இதயவியல் உள்பட பல்வேறு துறைசார்ந்த மெய்நிகர் பயிலரங்கு அமர்வுகள் அவர்களுக்கு நடத்தப்பட்டன.