தொலைபேசி அழைப்புகளில் மோசடி: அரசுப் பணியாளர்களுக்கு எச்சரிக்கை

தொலைபேசி அழைப்பு வரும்போது திரையில் தோன்றும் ‘அழைப்பாளர் ஐடி’ தகவலை முழுமையாக நம்ப வேண்டாம் என்று சைபர் பாதுகாப்பு ஆலோசனையில் அரசுப் பணியாளர்கள் எச்சரிக்கப்பட்டுள்ளனர்.

கைப்பேசியில் உள்ள தனிப்பட்ட தகவல்களைத் திருடுவது, அலுவல் சார்ந்த இணையவழித் தகவல்களை ஊடுருவி பார்ப்பது போன்ற ‘விஷிங்’ இணையவழி தாக்குதல்கள் அரசு அலுவலர்களை குறிவைத்து அதிகரித்துள்ளதைத் தொடர்ந்து தேசிய தகவல் மையம் (என்ஐசி) இந்த பாதுகாப்பு ஆலோசனையை வழங்கியுள்ளது.