திமுக ஆட்சியில் விருதுநகர் மாவட்டத்துக்கு ஏராளமான திட்டங்கள்

விருதுநகரில் ஞாயிற்றுக்கிழமை நடைபெற்ற விழாவில், ஆட்சியர் அலுவலக புதிய கட்டடத்தைத் திறந்து வைத்த முதல்வர் மு.க. ஸ்டாலின். உடன், அமைச்சர்கள் எ.வ. வேலு, கே.கே.எஸ்.எஸ்.ஆர். ராமச்சந்திரன், தங்கம் தென்னரசு, சி.வி. கணேசன், மக்களவை உறுப்பினர்கள் மாணிக்கம் தாகூர், நவாஸ் கனி, ராணி ஸ்ரீகுமார், சட்டப்பேரவை உறுப்பினர்கள் ஏ.ஆர்.ஆர். சீனிவாசன், எஸ். தங்கபாண்டியன், ஏ.ஆர்.ஆர். ரகுராமன், வருவாய் நிர்வாக ஆணையரும், கூடுதல் தலைமைச் செயலருமான ராஜேஷ் லக்கானி, பொதுப் பணித் துறை கூடுதல் தலைமைச் செயலர் மங்கத் ராம் சர்மா, வருவாய், பேரிடர் மேலாண்மைத் துறை முதன்மைச் செயலர் பெ.அமுதா, மாவட்ட ஆட்சியர் வீ.ப. ஜெயசீலன் உள்ளிட்டோர்.

விருதுநகர் மாவட்டத்துக்கு திமுக ஆட்சியில் நிறைவேற்றப்பட்ட, நிறைவேற்றப்படவுள்ள திட்டங்களை முதல்வர் மு.க.ஸ்டாலின் பட்டியலிட்டார்.

விருதுநகரில் ஆட்சியர் அலுவலக புதிய கட்டடத்தை முதல்வர் மு.க.ஸ்டாலின் ஞாயிற்றுக்கிழமை திறந்துவைத்தார். பின்னர், பட்டம்புதூரில் நடைபெற்ற அரசு விழாவில் பயனாளிகளுக்கு நலத்திட்ட உதவிகளை வழங்கி முதல்வர் ஸ்டாலின் பேசியதாவது:

விருதுநகர் மாவட்டத்தில் கடந்த 3 ஆண்டுகளில் ஏராளமான திட்டங்கள் நிறைவேற்றப்பட்டுள்ளன. 1,286 ஊரகப் பகுதிகளில் தாமிரவருணி கூட்டுக் குடிநீர்த் திட்டம், இருக்கன்குடி மாரியம்மன் கோயில் பணிகள், ஒருங்கிணைந்த ஆயத்த ஆடைகள் பூங்கா, அயன் கொல்லன் கொண்டானில் புதிய தொழில்பேட்டை, அருப்புக்கோட்டை அரசு மருத்துவமனையை மாவட்ட தலைமை மருத்துவமனையாக மேம்படுத்தும் பணிகள், சிவகாசியில் அறிவுசார் மையம், வணிக வளாகம், பூங்கா, புதிய மாநகராட்சி அலுவலகக் கட்டுமானப் பணிகள் ஆகியவை நடைபெற்று வருகின்றன.