'புல்டோசர்’ நடவடிக்கை சட்ட விரோதம்

'குற்றச் சம்பவத்தில் தொடர்பு உள்ளவர்களுக்கு சொந்தமான கட்டடங்களை விதி களை மீறியதாகக் கூறி, புல்டோசர் மூலம் இடிக்கும் மாநில அரசுகளின் நடவடிக்கை சட்ட விரோதமானது என உச்சநீதிமன்றம் புதன்கிழமை (நவ.13) தீர்ப்பளித்தது.

குற்றச் சம்பவத்தில் தொடர்பு உள்ளவர்களுக்கு சொந்தமான கட்டடங்களை விதி களை மீறியதாகக் கூறி, புல்டோசர் மூலம் இடிக்கும் மாநில அரசுகளின் நடவடிக்கை சட்ட விரோதமானது என உச்சநீதிமன்றம் புதன்கிழமை (நவ.13) தீர்ப்பளித்தது.

அரசு அதிகாரிகளுக்கு எச்சரிக்கை: அரசு அதிகாரிகள் தங்களை நீதிபதிகள் போன்று நினைத்துக் கொண்டு குடிமக்கள் மீது இது போன்ற நடவடிக்கையை மேற்கொள்வது, அதிகாரப் பகிர்வு தத்துவத்தை மீறும் செயலாகும். இத்தகைய நடவடிக்கைகளை மேற்கொள்ளும் அரசு அதிகாரிகள் பொறுப்பேற்கச் செய்யப்படுவர் என்று குறிப்பிட்ட நீதிபதிகள், சட்டவிரோத ஆக்கிரமிப்பு கட்டடங்களை அகற்றுவதற்கான வழிகாட்டுதலையும் வகுத்து உத்தரவிட்டனர்.

உத்தரப் பிரதேசம், மத்தியப் பிரதேசம் உள்பட பல்வேறு மாநிலங்களில் குற்றச் சம்பவத்தில் ஈடுபட்டதாக குற்றஞ்சாட்டப்படுவோருக்கு சொந்தமான வீடுகள் மற்றும் கட்டடங்கள், குறிப்பாக முஸ்லிம் சமூகத்தினருக்குச் சொந்தமான கட்டடங்கள் இடிக்கப்பட்டன. இதற்கு எதிராக உச்சநீதிமன்றத்தில் பல்வேறு மனுக்கள் தாக்கல் செய்யப்பட்டன.

இந்த மனுக்களை விசாரித்த உச்சநீதிமன்றம், குற்றச்சாட்டுக்குள்ளானவர் என்பதற்காக மட்டுமே ஒருவரின் வீட்டை எப்படி இடிக்க முடியும் என்று கேள்வி எழுப்பி, தீர்ப்பு வழங்கப்படும் வரை குற்றஞ்சாட்டப்படுவோரின் கட்டடங்களை புல்டோசர் மூலம் இடிக்கத் தடை விதித்தது.

இந்த வழக்கில் உச்சநீதிமன்ற நீதிபதிகள் பி.ஆர்.கவாய், கே.வி. விஸ்வநாதன் ஆகியோர் அடங்கிய அமர்வு புதன்கிழமை அளித்த 95 பக்கங்கள் அடங்கிய தீர்ப்பின் விவரம்: சட்டம் என்பது நியாயமானதாகவும், மனித உரிமைகளையும் சமூகத்தின் அனைத்து உறுப்பினர்களின் கண்ணியத்தையும் பாதுகாப்பதாகவும் இருக்க வேண்டும்.