மகாராஷ்டிரம்: நம்பிக்கை வாக்கெடுப்பில் ஃபட்னவீஸ் அரசு வெற்றி

மகாராஷ்டிர பேரவையில் திங்கள்கிழமை நடத்தப்பட்ட நம்பிக்கை வாக்கெடுப்பில் பாஜக முதல்வர் தேவேந்திர பட்னவீஸ் தலைமையிலான மகா யுதி கூட்டணி வெற்றிபெற்றது.

இந்த தீர்மானத்தை சிவசேனை (ஷிண்டே பிரிவு) எம்எல்ஏ உதய் சமந்த், பாஜக எம்எல்ஏ சஞ்சய் குதே, தேசியவாத காங்கிரஸ் (அஜீத் பவார் பிரிவு) எம்எல்ஏ திலிப் வால்சே பாட்டீல் ஆகியோர் முன்மொழிந்த நிலையில் குரல் வாக்கெடுப்பு மூலம் நிறை வேற்றப்பட்டது.

288 உறுப்பினர்களைக் கொண்ட மகாராஷ்டிர சட்டப்பேரவைக்கு கடந்த நவம்பரில் நடைபெற்ற பேரவைத் தேர்தலில், பாஜக தலைமையிலான 'மகாயுதி' கூட்டணி 230 இடங்களுடன் அமோக வெற்றி பெற்றது. இக்கூட்டணியில் பாஜக 132, ஏக்நாத் ஷிண்டே தலைமையிலான சிவசேனை 57, அஜீத் பவார் தலைமையிலான தேசியவாத காங்கிரஸ் 41 இடங்களைக் கைப்பற்றின.