રાજ્યમાં વરસાદી માહોલ હજુ પણ યથાવત્ઃ ચાર દિવસ સધી સામાન્ય વરસાદની શક્યતા

છેલ્લા ૨૪ કલાકમાં ૯૪ તાલુકામાં વરસાદ ખાબક્યો: અવિરત વરસાદથી રાજ્યભરમાં પાણી જ પાણી

અમદાવાદ, ગુરુવાર

વરસાદ અવિરત રાજ્યભરમાં વરસી રહ્યો છે. જેના કારણે રાજ્યનાં નદી, નાળાં, ડેમ પાણીથી છલકાઈ ગયાં છે. હજુ આજે પણ રાજ્યના કેટલાક વિસ્તારોમાં વરસાદી માહોલ યથાવત્ રહેશે. આજે કચ્છ, પોરબંદર, દ્વારકા, જૂનાગઢ, ગીર સોમનાથ, અમરેલી, બનાસકાંઠા, ભાવનગર, પાટણ, મહેસાણા અને સાબરકાંઠામાં સારો વરસાદ પડશે. સાથે સાથે ગાંધીનગર, અમદાવાદ, ખેડા, આણંદ, અરવલ્લી, મહીસાગર, દાહોદ, વડોદરામાં હળવો વરસાદ અને ડાંગ, પંચમહાલ, છોટાઉદેપુર, નર્મદા, ભરૂચ, સુરત, તાપી વલસાડ અને નવસારીમાં પણ સામાન્ય વરસાદ વરસશે. આવતી કાલથી વરસાદનું જોર ઓછું થઇ જશે.