એમેઝોન પરની પ્રોડક્ટ સસ્તામાં આપવાનું કહી યુવતી પાસેથી ૫૩ હજાર પડાવી લીધા

યુવતીએ મોબાઇલમાં આવેલી છેતરામણી લિંક પર ક્લિક કરીને એમેઝોન જેવી જ વેબસાઇટ પરથી કપડાં, એસેસરીઝ, જ્વેલરી તથા અન્ય વસ્તુઓ મંગાવી હતી

અમદાવાદ, સોમવાર

આજકાલ ગઠિયા લોકોને છેતરવા માટે અવનવા રસ્તા અપનાવી રહ્યા છે. લોકો પણ સરળતાથી તેમની આ ચાલમાં ફસાઇ જાય છે અને લાખો રૂપિયા ગુમાવી બેસે છે. અમદાવાદ શહેરમાં આવો જ એક છેતરપિંડીનો બનાવ સામે આવ્યો છે, જેમાં ગઠિયાએ ઇ-કોમર્સ વેબસાઇટ એમેઝોન પરની વસ્તુઓને સસ્તા ભાવમાં આપવાની લાલચ આપીને યુવતી સાથે ૫૩ હજારની ઠગાઇ કરી છે. યુવતીએ કપડાં, એસેસરીઝ, જ્વેલરી તથા અન્ય વસ્તુઓ મંગાવતાં તે છેતરાઈ હતી.