પાકિસ્તાનમાં પૂરથી વિનાશઃ એક તૃતીયાંશ હિસ્સો જળબંબાકાર, ૧૨૦૦થી વધુનાં મોત

આકાશી આફતના કારણે લાખો લોકો બેઘર થયાઃ ત્રણ કરોડ લોકો પ્રભાવિત

ઇસ્લામાબાદ, શનિવાર

પાકિસ્તાનમાં ભારે વરસાદ અને પૂરના કારણે સ્થિતિ ખૂબ જ વિકટ બની છે. આકાશી આફતના પગલે અન્ય દેશોમાંથી પાકિસ્તાનને સતત મદદ મોકલવામાં આવી રહી છે. યુનાઈટેડ આરબ અમીરાતથી નવમી ફ્લાઈટ અને ઉઝબેકિસ્તાનથી પ્રથમ લાઈટ શુક્રવારે રાતે પૂરપીડિતોની મદદ માટે પહોંચી હતી. પાકિસ્તાનમાં પૂરથી પ્રભાવિત લોકોની સંખ્યા ત્રણ કરોડ કરતાં વધી ગઈ છે.