ક્રાઈમ બ્રાંચના દરોડાઃ ઈ-સિગારેટ, વિદેશી સિગારેટનો જથ્થો ઝડપાયો

એરપોર્ટ નજીક આવેલા પાન પાર્લરમાં સિગારેટ વેચાતી હતી: પાર્લરના માલિકની ધરપકડ

અમદાવાદ, શનિવાર

શહેરમાં ચાલતા હુક્કાબાર બંધ થતાં હવે યંગસ્ટર ઇ-સિગારેટ (વેપ)ના રવાડે ચઢ્યા છે, જેના પર રાજ્ય સરકારે વર્ષ ૨૦૧૯માં પ્રતિબંધ ફરમાવ્યો હતો. રાજ્ય સરકારે મૂકેલા પ્રતિબંધ છતાંય અમદાવાદના વિવિધ વિસ્તારોમાં ઇ-સિગારેટ બિનધાસ્ત વેચાય છે, જેના પર પોલીસે લાલ આંખ કરી છે. ક્રાઇમ બ્રાંચની ટીમે ગઇ કાલે એરપોર્ટ નજીક આવેલા એક પાન પાર્લરમાં ઇ-સિગારેટ તેમજ વિદેશી સિગારેટનો જથ્થો પકડી પાડ્યો છે.