દુકાન બંધ કરતા સમયે વેપારીની ૧.૨૦ લાખની રોકડ રકમ ભરેલી બેગ લૂંટાઈ

ત્રણ શખ્સો પાછળ દોડતા હતા ત્યારે વેપારી લપસી જતાં જમીન પર પટકાયા

અમદાવાદ, સોમવાર

શહેરમાં એક તરફ રથાત્રાને લઈને પોલીસ બંદોબસ્ત સઘન છે ત્યારે કેટલાક ગુનેગારો લૂંટની ઘટનાને બિનધાસ્ત અંજામ આપીને લોકોની ચિંતા વધારી રહ્યા છે. શાહીબાગમાં મેડિકલ સ્ટોરના વેપારી દુકાન બંધ કરતા હતા ત્યારે ત્રણ શખ્સો ૧.૨૦ લાખની રોકડ રકમ ભરેલી બેગ લૂંટીને ફરાર થઇ ગયા હતા. વેપારી ત્રણ શખ્સો પાછળ દોડતા સમયે જમીન પર પટકાયા હતા.