ఆనందంగా జీవించడమూ ఓ కళ

మన జీవితాలు భగవంతుడు ప్రసాదించిన అద్భుత వరాలని చెప్పవచ్చు. ఒక చిన్న గదిలో జీవించే వ్యక్తులు అమితానంద డోలికల్లో తేలియాడుతుంటారు.

- డా॥ బి. మధుసూదన్ రెడ్డి

మన జీవితాలు భగవంతుడు ప్రసాదించిన అద్భుత వరాలని చెప్పవచ్చు. ఒక చిన్న గదిలో జీవించే వ్యక్తులు అమితానంద డోలికల్లో తేలియాడుతుంటారు. అత్యంత ధనవంతుల్లో కి దూరంగా నిద్రలేమితో భారంగా గడుపుతున్న బతుకులు. నా మిత్రుడికి ఖరీదైన ఆపిల్ ఫోన్ ఉంది, నా వద్ద చవకైన డబ్బా ఫోన్ మాత్రమే ఉంది; మా బంధువుకు పెద్ద బంగళా ఉంది, మాది రెండు గదుల పెంకుటిల్లు మాత్రమే. నా స్నేహితుడు నిత్యం ఖరీదైన డ్రెస్సులు వేస్తాడు, నా వద్ద అతుకుల బట్టలే ఉన్నాయి.

ఇలాంటి విపరీతమైన అసమంజస ఆలోచనలు మన మనసును అనునిత్యం చెదలువలె తొలుస్తుంటాయి.

ఓ అద్భుత కళ

ఆనందంగా జీవించడమనేది ఓ అద్భుత కళ. మన సామర్థ్యాలు, నైపుణ్యాలకు పదును పెడుతూ, లక్ష్యాలను ఛేదిస్తూ సుఖ సంతోషాల దుప్పట్లు కప్పుకొని జీవితాన్ని ఆస్వాదించడానికి అడుగులు వేయాలి. మనకు ఉన్నదానితో తృప్తి పడని కలికాలం నడుస్తోంది. ఆకాశానికి అర్హతకు మించి అత్యాశ పడడం, గోరంత శ్రమ చేసి కొండంత ఆశించడం పరిపాటైంది. అసాధ్యమని తెలిసీ విఫల యత్నం చేయడమే జీవిత పరమార్థం అని అనుకుంటున్నాం. మనకు అందుబాటులో ఉన్న వస్తువులు, సౌకర్యాలు, వనరులతో తృప్తి చెందక, లేని దానికోసం అర్రులు చాస్తూ సంతోషమయ జీవితాలను దుఃఖ సంద్రంలో ముంచేస్తున్నాం. అర్హత లేని దానికోసం తపిస్తూ చేతుల్లో/మనసుల్లో ఉన్న ఆనంద నిధులు మరిచి గంపెడంత దిగులును మోస్తున్నాం. మన చుట్టు ఉన్న సౌకర్యాలను, వనరులను, ఆస్తులను ఆనందంగా అనుభవించటం మరిచిన నవ్య జిడిటల్ మనిషి లేని దానికోసం తలచి, వగచి, చింతిస్తూ విఫల యత్నం చేసి, అపజయం మూటగట్టుకొని బతుకులను నిరాశల ఊబిలోకి ఈడుస్తున్నాం.

మిస్సింగ్ టైల్స్ సిండ్రోమ్