ఊరంతా ఉగాది

ఆ ఊరిలో అందరికీ నలభై ఎకరాల భూమి ఉంది. ఒక్క సూరిగాడికి మాత్రం రెండు ఎకరాల పొలం మాత్రమే ఉంది.

- - కనుమ ఎల్లారెడ్డి

ఆ ఊరిలో అందరికీ నలభై ఎకరాల భూమి ఉంది. ఒక్క సూరిగాడికి మాత్రం రెండు ఎకరాల పొలం మాత్రమే ఉంది. ఆ రెండు ఎకరాలలోనే వేయని పంటని వేస్తూ, తరచుగా మారుస్తూ మంచి లాభాలు గడించాడు. ఆ ఏడు ఊరిలో కొంతమంది రైతులు పత్తి, మొక్కజొన్న పంటను వేశారు.సూరిగాడు రెండు ఎకరాలలో కూరగాయలు, ఒకే ఒక్క పాయలో మాత్రం టమోటా వేశాడు.

టమోటాకు ఆ ఏడు మంచి దిగుబడి.వచ్చింది. తన వాడకానికి ఉంచుకుని ఊరందరికి టమోటాలు ఉచితంగా ఇచ్చాడు. ఇంకా ఎక్కువ కాయలు కాస్తుండటంతో మార్కెట్కు తరలించి మంచి లాభాన్ని గడించాడు. అది చూసి ఊరిలో అందరూ టమోటా వేశారు.సూరిగాడు మాత్రం వేరే పంటను వేశాడు.