കുറി തൊടുന്നത് എന്തിന്? എങ്ങനെ?

നാഡീശോധനത്തിനും രോഗനിവാരണത്തിനും ഉതകുന്ന കുറികൾ ഭക്തി വർദ്ധിപ്പിക്കുവാനും ജ്ഞാനശക്തിയുടെ കേന്ദ്രമായ ആജ്ഞാചകം ഉണരുവാനും വളരെ ഉപയുക്തമാണ്.

- പി. ജയചന്ദ്രൻ

ക്ഷേത്രങ്ങളിൽ പോയാൽ കുറി തൊടാത്തവരായി അധികം പേർ കാണില്ല. എന്നുമാത്രമല്ല, ക്ഷേത്രങ്ങളിൽ പോയില്ലെങ്കിലും കുറി തൊടുന്നവരാണ് പലരും. ചിലർ ക്ഷേത്രത്തിന് പുറത്തു നിന്നുകൊണ്ട് ഭഗവാനെ തൊഴുതശേഷം അവിടെ വച്ചി ട്ടുള്ള ചന്ദനമോ സിന്ദൂരമോ കരിയോ ഒക്കെയെടുത്ത് നെറ്റിയിൽ തൊടും. മറ്റ് ചിലർ വീട്ടിൽ വച്ചുതന്നെ കുറിയിട്ടു കൊണ്ടാകും പുറത്തേക്കിറങ്ങുക. അതിനായി ഗുരുവാ യൂർ, മൂകാംബിക പോലുള്ള ക്ഷേത്രങ്ങളിലെ പ്രസാദം വീട്ടിൽ കരുതി വച്ചിട്ടുണ്ടാകും. ദിവസവും രാവിലെ കുളി കഴിഞ്ഞ് ഈ പ്രസാദം നെറ്റിയിൽ ചാർത്തിയിട്ടേ അവർ എന്ത് കാര്യത്തിനും പുറത്തേക്കിറങ്ങാറുള്ളൂ.

ഇങ്ങനെയൊക്കെയാണെങ്കിലും പക്ഷേ എന്തിനാണ് കുറിതൊടുന്നതെന്നോ, എങ്ങനെയാണ് കുറിതൊടേണ്ടതെന്നോ പലർക്കും അറിയില്ല എന്നുള്ളതാണ് സത്യം.

കഴുത്ത്, നെറ്റിത്തടം, രണ്ട് തോൾ, രണ്ട് കൈമുട്ടുകൾ, നെഞ്ച്, വയർഭാഗം, രണ്ട് കണങ്കാലുകൾ എന്നീ ഭാഗങ്ങളിൽ ഭസ്മം, ചന്ദനം, കുങ്കുമം എന്നീ മൂന്ന് ദ്രവ്യങ്ങൾ കൊണ്ട് അഞ്ജനം ചെയ്യുന്ന രീതിയ്ക്കാണ് തിലകമണിയൽ അഥവാ കുറിതൊടൽ എന്നുപറയുന്നത്.

നമ്മുടെ നെറ്റത്തടം ആന്തരിക വിദ്യയെ കുറിക്കുന്ന സ്ഥാനമാണ്. വിശാലമായ നെറ്റിത്തടം ഉത്തമമാണെന്നാണല്ലോ ലക്ഷണശാസ്ത്രം പറ യുന്നത്. ശിരസ് പരമാത്മാവിനെയും, നെറ്റിത്തടം ആകാശത്തേയും, പുരികം വായുവിനെയും, കണ്ണ് അഗ്നിയെയും നാക്ക് ജലത്തെയും മൂക്ക് ഭൂമിയേയുമാണ് സൂചിപ്പിക്കുന്നത്.

ഭസ്മം