ഹൃദയത്തെ രക്ഷിക്കാൻ ഗ്രഫീൻ ടാറ്റൂ!

പേസ്മേക്കർ എന്ന ഉപകരണം ശരീരത്തിൽ ഘടിപ്പിക്കുന്നതിനു പകരം, ഹൃദയത്തിന് സമീപം ഒരു ചെറിയ പച്ചകുത്തിയാൽ (tattoo) അത് പേസ്മേക്കറിന്റെ ജോലി ചെയ്യുമെങ്കിൽ എത്ര എളുപ്പമായിരിക്കും, അല്ലേ? എന്നാൽ ഭാവിയിൽ അത് സാധിക്കുമെന്നാണ് ശാസ്ത്രജ്ഞർ കണ്ടത്തിയിരിക്കുന്നത്.

- ഡോ.അനു ബി. കരിങ്ങന്നൂർ ഫോൺ : 9791487037

ഒരു മനുഷ്യ ശരീരത്തിലെ വളരെ പ്രധാനമായ ഒരു ഭാഗമാണല്ലോ ഹൃദയം. കൃത്യമായ താളത്തിൽ നമ്മുടെ ഹൃദയം മിടിച്ചു കൊണ്ടിരിക്കുന്നു. ജീവന്റെ നിലനില്പ്പിന് ആധാരമാണ് ഈ ഹൃദയതാളം. ഹൃദയത്തിലെ, വലതു ആട്രിയത്തിലുള്ള സിനോ ആട്രിയൽ നോഡിൽ സ്ഥിതിചെയ്യുന്ന പേസ്മേക്കർ കോശങ്ങളിൽ നിന്നുള്ള വൈദ്യുതസിഗ്നലുകളാണ് ഈ ഹൃദയമിടിപ്പിനെ നിയന്ത്രിക്കുന്നത്.

ഹൃദയത്തിന് തകരാറുള്ളവരിൽ കൃത്രിമമായ പേസ്മേക്കറുകൾ ഉപയോഗിക്കുന്നു. അവ ഹൃദയത്തിലേക്ക് ഇലക്ട്രിക്കൽ പൾസുകൾ അയച്ച്, കൃത്യമായ താളത്തിൽ ഹൃദയമിടിക്കാൻ സഹായിക്കുന്നു.

ഹൃദ്രോഗികളിൽ സ്ഥിരമായോ താല്ക്കാലികമായോ ഇത്തർ പേസ്മേക്കറുകൾ ഘടിപ്പിക്കാറുണ്ട്. താല്കാലിക പേസ്മേക്കർ, കഴുത്തിനു സമീപമുള്ള സിരയിൽ ഘടിപ്പിച്ച്, ശരീരത്തിനു പുറത്തുവെക്കും. സ്ഥിരമായി പേസ്മേക്കർ വെക്കേണ്ട രോഗികൾക്ക് സർജറിയിലൂടെ നെഞ്ചിനുള്ളിൽ സ്ഥാപിക്കും.

പേസ്മേക്കർ എന്ന ഉപകരണം ശരീരത്തിൽ ഘടിപ്പിക്കുന്നതിനു പകരം, ഹൃദയത്തിന് സമീപം ഒരു ചെറിയ പച്ചകുത്തിയാൽ (tattoo) അത് പേസ്മേക്കറിന്റെ ജോലി ചെയ്യുമെങ്കിൽ എത്ര എളുപ്പമായിരിക്കും, അല്ലേ? എന്നാൽ ഭാവിയിൽ അത് സാധിക്കുമെന്നാണ് ശാസ്ത്രജ്ഞർ കണ്ടത്തിയിരിക്കുന്നത്.