அநீதி

முதலாளி வர்க்கத்தால் ஒடுக்கப்படும் நாயகனும், நாயகியும் எதிர்கொள்ளும் பிரச்சனைகள் தான் கதையின் மையக்கரு.

உணவு டெலிவரி நிறுவனத் தில் வேலை செய்யும் திரு (அர்ஜூ தாஸ்), தன்னுடைய வேலையில் நிறைய அவமானங்களையும், சிரமங்களையும் சந்திக்கிறான். ஏற்கனவே மனச் சிதைவு நோயால் பாதிக்கப்பட்டிருக்கும் அவன் தன்னை தரக்குறைவாக நடத்தும் கஸ்டமர்களை கொன்று விடுவது போல விபரீதமாக கற்பனை செய்கிறான்.

இந்த நிலையில் உணவு டெலிவரி செய்யப் போன இடத்தில் சுப்புலட்சுமியுடன் (துஷாரா விஜயன்) நட்பாகி பேசத் தொடங்குகிறான். நாளாக ஆக அது அவனுக்கு ஒரு விதமான நிம்மதியையும், மகிழ்ச்சியையும் கொடுத்து கொலை உணர்வில் இருந்து அவனை மீட்கிறது.

அவளும் தன்னைப் போல கஷ்டத்தில் இருப்பவள் எனத் தெரிந்து கொள்கிறான் திரு.குடிகார அப்பா, கஞ்சா இழுக்கும் தம்பி, கடலை போடும் தங்கை என இம்சிக்கும் குடும்பத்துக்காக, தன்மானம் இழந்து அந்த வீட்டில்கொத்தடிமை போல வேலை செய்கிறாள் சுப்புலட்சுமி.

ஹவுஸ் ஓனர் பாட்டியின் பிள்ளைகள் வெளிநாட்டில் இருப்பதால், அவரை கூட இருந்து கவனித்துக் கொள்கிறாள் சுப்பு.