என்ன செய்கிறது?

இந்தியாவின் தன்னாட்சி பெற்ற விசாரணை அமைப்பு அமலாக்கத்துறை. அதற்கென்று பல சட்டத்திருத்தங்களை கொண்டுவந்து அதன் வலுவை ஏற்றிவைத்துள்ளது ஒன்றிய பாஜக அரசு.

- பரிதி

அப்படி ஊட்டி வளர்த்ததற்கு உள்நோக்கம் இருக்குமோ என்று சந்தேகிக்கும் வகையில் அமலாக்கத்துறை நடவடிக்கைகள் தாறுமாறாக இருக்கின்றன.

ஏற்கனவே போகிற இடமெல்லாம் அமலாக்கத்துறையின் பேர் பஞ்சர் ஆகிக்கிடக்கிறது. ஒருதலைப்பட்சமாக செயல்படுவதாக அதற்கு எதிர்ப்பும் அதிகரித்துள்ளது.

ரேஷன் விநியோக ஊழல் வழக்கு தொடர்பாக திரிணாமூல் காங்கிரஸ் கட்சியைச் சேர்ந்தவரும், பங்கான் நகராட்சியின் முன்னாள் தலைவருமான சங்கர் ஆதியாவிடம் விசாரணை நடத்த, கடந்த 5ம் தேதி அமலாக்கத்துறை அதிகாரிகள் கொல்கத்தா சென்றனர்.

அப்போது, அவர்கள் சென்ற வாகனம் மீது தாக்குதல் நடத்தப்பட்டது. இதில் 3 அதிகாரிகள் காயமடைந்தனர்.