நுகர்வோர் உரிமைகள் தினம்!

ஆண்டுதோறும் மார்ச் மாதம் 15-ஆம் தேதி நுகர்வோர் உரிமைகள் தினமாக கொண்டாடப் படுகிறது. இதற்கு வரலாற்று பின்னணி உள்ளது.அமெரிக்க அதிபராக இருந்த ஜான் கென்னடி 1962-ஆம் ஆண்டு மார்ச் மாதம் 15-ஆம் தேதி நுகர்வோர் பாதுகாப்பு, அடிப்படை உரிமை,தகவலறியும் உரிமை ஆகியவற்றைக் குறித்துப் பேசினார்.

- 

எந்த பொருளை வாங்குவது என்பது நுகர்வோரின் உரிமை என்பதை வலியுறுத்தினார். மேலும், சந்தையில் நிலவும் போட்டிக்கு நுகர்வோர் பலியாகிவிடக் கூடாது என்பது குறித்தும் பேசினார். நுகர்வோர் உரிமைகள் பாதுகாக்கப்பட வேண்டியதன் முக்கியத்துவம் குறித்தும் எடுத்துரைத்தார். இதனால் தான் மார்ச் 15-ஆம் நாள் நுகர்வோர் தினமாகப் பிரகடனப் படுத்தப்பட்டது.