അച്ഛൻ തെളിയിച്ച പാതയിൽ...

ചാത്തന്നൂർ എം.എൽ.എ ജി.എസ്. ജയലാലിന്റെ രാഷ്ട്രീയ സഞ്ചാരം അച്ഛൻ തെളിയിച്ച പാതയിലൂടെ

- പി. ജയചന്ദ്രൻ,

ചിലരങ്ങനെയാണ്.

നമ്മൾ മനസ്സിൽ കാണുമ്പോൾ അവർ മരത്തിൽ കാണും. അതായത് പല കാര്യങ്ങളും അവർ മറ്റുള്ളവരേക്കാൾ മുൻപേ ചിന്തിക്കും എന്നു സാരം. ചാത്തന്നൂർ എം.എൽ.എ ജി.എസ്. ജയലാൽ അത്തരത്തിൽപ്പെട്ട ഒരു ജനപ്രതിനിധിയാണ്. നമ്മളെന്നല്ല, സംസ്ഥാന സർക്കാർ പോലും മനസ്സിൽ കാണുന്ന കാര്യങ്ങൾ ഈ എം.എൽ.എ മരത്തിൽ കണ്ടുകളയും. ചാത്തന്നൂരിന്റെ ശബ്ദം നിയമസഭയിൽ എത്തിക്കുവാനുള്ള ദൗത്യം മൂന്നാമത് പ്രാവശ്യവും ജയലാലിനെ തന്നെ വിശ്വസിച്ചേൽപ്പിക്കുവാൻ ജനങ്ങൾ തീരുമാനിച്ചത്. ആ ഒരു കഴിവു കൊണ്ടാണെന്നാണ് നാട്ടിലെ സംസാരം.

ഉദാഹരണത്തിന്, നവകേരള സൃഷ്ടിക്കായി നമ്മുടെ സർക്കാർ കൊട്ടിഘോഷിച്ച് നാലു പദ്ധതികൾ പ്രഖ്യാപിച്ചു. ലൈഫ് മിഷൻ, ആരോഗ്യ മേഖലയിൽ ആർദ്രം പദ്ധതി, കാർഷിക മേഖലയിൽ ഹരിത കേരളം, വിദ്യാഭ്യാസ മേഖലയിൽ പൊതുവിദ്യാഭ്യാസ സംരക്ഷണ പദ്ധതി.. എന്നിങ്ങനെ നാല് പദ്ധതികൾ. അതാതുമേഖലകളിലെ വിദഗ്ദ്ധർ കൂടിയിരുന്ന്, ദിവസങ്ങളോളം ചർച്ച  ചെയ്തു തീരുമാനിച്ചതായിരുന്നു ഈ നാല് പദ്ധതികളും. അതുകൊണ്ടുതന്നെ സൃഷ്ടിക്കപ്പെടാൻ പോകുന്ന നവകേരളത്തെയോർത്ത് നാടൊന്നാകെ പുളകം കൊണ്ടപ്പോൾ ചാത്തന്നൂർകാർ മാത്രം മൂക്കത്തുവിരൽ വച്ചു, അതല്ലിയോ ഇത് എന്ന ചിന്തയിൽ.. ചാത്തന്നൂർ സമഗ്ര വിദ്യാഭ്യാസ പദ്ധതി എന്ന പേരിൽ വിദ്യാഭ്യാസ മേഖലയിലും, ആരോഗ്യ രക്ഷ ചാത്തന്നൂർ എന്ന പേരിൽ ആരോഗ്യമേഖലയിലും, പുനർജ്ജനി ചാത്തന്നൂർ എന്ന പേരിൽ കാർഷിക മേഖലയിലും ജയലാൽ കൊണ്ടുവന്ന് നടപ്പിലാക്കിക്കൊണ്ടിരുന്ന പദ്ധതികളുടെ തനിയാവർത്തനം തന്നെയായിരുന്നു സർക്കാർ പ്രഖ്യാപിച്ച പദ്ധതികൾ.

അതുകൊണ്ടുതന്നെ ചാത്തന്നൂരിൽ ഓൺ ഈ പദ്ധതികൾ തുടരാൻ ഗോയിംഗായ ഗവൺമെന്റ് ജി.ഒ ഇറക്കി. ഒരു ജനപ്രതിനിധിക്ക് കിട്ടാവുന്ന ഒന്നാംതരം അംഗീകാരം.