Dr തിരക്കിലാണ്.

പണ്ട് കൂട്ടുകാരികളുടെ ഓട്ടോഗ്രാഫിൽ പേര് ശ്രദ്ധ ഗോകുൽ, ആഗ്രഹം- ഡോക്ടറും ഡാൻസറും ആകണം എന്ന് എഴുതിയിട്ടുണ്ട്. പ്രായത്തിന്റെ അത്യാഗ്രഹത്തിൽ എഴുതിക്കൂട്ടിയ ആ ലേബലുകൾ ഏതോ ദൈവകൃപ കൊണ്ട് ഇന്ന് എനിക്കൊപ്പം ഉണ്ട്. അതെ!! തിരുവനന്തപു രത്തെ സ്വകാര്യ ആശുപത്രിയിൽ ഡോക്ടറായി സേവനം അനുഷ്ഠിക്കുന്ന ശ്രദ്ധ ഗോകുൽ ഇന്ന് മലയാളികളുടെ പ്രിയപ്പെട്ട നർത്തകിയും അഭിനേത്രിയുമാണ്.

- ആർ.കെ

മൂന്നര വയസ്സ് മുതൽ നൃത്തം അഭ്യസിക്കാൻ തുടങ്ങിയതാണ്. അങ്ങനെ കേരളം കണ്ട ഏറ്റവും വലിയ റിയാലിറ്റി ഷോയിൽ ഫൈനലിസ്റ്റ് ആയപ്പോൾ ഉണ്ടായ ഓളം ചെറുതൊന്നും ആയിരുന്നില്ല. ആ ഷോ കണ്ടിട്ടാണ് അന്നത്തെ ഏഷ്യാനെറ്റ് ഹലോ കുട്ടിച്ചാത്തൻ,അമ്മക്കിളി എന്നിങ്ങനെ ഹിറ്റ് പരമ്പരകളിലേക്ക് ക്ഷണം ലഭിച്ചത്. കുട്ടിച്ചാത്തനിൽ എനിക്കൊപ്പം മറ്റ് കുറെ കുട്ടികളും ഉണ്ടായിരുന്നു. അവരാണ് ഇന്നത്തെ താരങ്ങൾ ആയ ഷെയ്ൻ നിഗം, അഭിരാമി സുരേഷ്, നവനീത് മാധവ് തുടങ്ങിയവർ. അന്ന് ആ പരമ്പര ജനങ്ങളിൽ ഉണ്ടാക്കിയ സ്വാധീനത്തെക്കുറിച്ച് വലിയ അറിവൊന്നും ഉണ്ടായിരുന്നില്ല. ഞങ്ങൾ കുട്ടികൾ ഷൂട്ടിന് പോകും. ഡയറക്ടർ പറയുന്നത് അനുസരിക്കും. ബാക്കിസമയം കളിക്കും. കൂട്ടുകാരോടൊപ്പം ഒത്തുചേരാൻ ഉള്ള ദിവസങ്ങൾ, അത്രയേ അന്ന് ആ സീരിയൽ സമയത്തിന് അർത്ഥം ഉണ്ടായിരുന്നുള്ളു. എന്നാൽ അതിന്റെ വിലയും, ആ സീരിയൽ സമ്മാനിച്ച നിലയും മനസ്സിലാക്കിയത് വർഷങ്ങൾക്കുശേഷം, ഇപ്പോഴാ..