രോഗശമനം പഴങ്ങളിലൂടെ

ഓരോ പഴവർഗ്ഗത്തിനും വെവ്വേറെ ഗുണങ്ങളാണുള്ളത്. അതിനാൽ പഴവർഗ്ഗങ്ങളുടെ ഗുണമറിഞ്ഞ് അവ തെരഞ്ഞെടുക്കുക

- എസ്.പി.ജെ

രക്തശുദ്ധിക്ക് മുന്തിരിങ്ങ

ചർമ്മരോഗങ്ങളുടെ പ്രധാന കാരണം രക്ത ശുദ്ധി ഇല്ലായ്മയാണ്. ഊർജ്ജവും ഉന്മേഷവും നൽകുന്നതു പോലെ രക്തശുദ്ധീകരണത്തിനും മുന്തിരിങ്ങ ഏറെ നന്ന്. കുടലുകളെ ശുദ്ധമാക്കി ഉടലിന് ആരോഗ്യം നൽകാൻ മുന്തിരിക്ക് കഴിവുണ്ട്. സ്ത്രീകൾക്ക് ഉണ്ടാകുന്ന ആർത്തവ സംബന്ധമായ തകാറുകൾക്ക് മുന്തിരിനീര് ഔഷധമാണ്. ന്യൂമോണിയ, മലേറിയ, ടൈഫോയ്ഡ്, ജ്വരം എന്നിവയുള്ളപ്പോൾ ദാഹശമനത്തിനായി മുന്തിരി ഉപയോഗിക്കുക.

ദഹനത്തിന് കൈതച്ചക്ക

പൈനാപ്പിൾ ദഹനപ്രക്രിയയെ സുഗമമാക്കും. വായുകോപവും, വൃക്കസംബന്ധമായ രോഗങ്ങൾക്കും പൈനാപ്പിൾ ഗുണകരമാണ്. പുകവലിയുടെ ദൂഷ്യം ഇല്ലാതാക്കാൻ പൈനാപ്പിളിന് കഴിവുണ്ട്. അജീർണ്ണ സംബന്ധമായ അസുഖങ്ങൾ, വയറുവേദന, കൃമിശല്യം എന്നിവയ്ക്കും പൈനാപ്പിൾ ഔഷധമാണ്.