லண்டனில் நம் பாரம்பரிய 'வயர் கூடையின் விலை ரூ.9000!

கைவினைப் பொருட்களுக்கு என தனி மதிப்பும், தனி வாடிக்கையாளர்களும் உள்ளனர்.

- காயத்ரி காமராஜ்

அது பல ஆயிரம், பல லட்சம் என்றாலும் அதற்காக அந்தப் பணத்தைக் கொடுப்பவர்களும் உள்ள னர். அதில் ஒன்றுதான் முன்பு நாம் கைப்பட பின்னி உபயோகித்த வயர் கூடை பைகள். வீட்டிற்குத் தேவையான பொருட்கள் வாங்க மட்டுமில்லை, பள்ளிக்கு உணவு எடுத்துச்செல்லவும் இந்த வயர் கூடைகளைதான் பயன் படுத்தி வந்தோம். அம்மாக்கள் வீட்டில் அவர்களின் பொழுது போக்கிற்காக அவர் களே கைப்பட இந்த வயர் கூடைகளை பின்னி அதனை பயன்படுத்தி வந்தார் கள். வீடுகளில் இரண்டு வயர் கூடைகள் இல்லாமல் இருக்காது. ஆனால் காலப் போக்கில் பல்வேறு வகையான பைகள் விற்பனைக்கு வரவும், மக்கள் அதை விரும்ப ஆரம்பித்தார்கள். அதனால் இந்த பைகளுக்கான மதிப்பும் குறைந் தது. நாம் வேண்டாம் என்று ஒதுக்கிய இந்த வயர் கூடைகளுக்கு வெளிநாடு களில் மதிப்பு அதிகரித்துள்ளது. கார ணம், அதையே ஃபேஷன் கைப்பைகள் மற்றும் பைகளாக மாற்றி இந்தியா மற்றும் வெளிநாடுகள் முழுதும் விற்பனை செய்து வருகிறார் சென்னையைச் சேர்ந்த தனுஷியா. இவர் ‘Knots Bag' என்ற பெயரில் இந்த வயர் கூடைகளை டிசைன் டிசைனாக வடிவமைத்து வருகிறார்.

"இந்த காலத்திற்கேற்ப உபயோகப் படுத்தும் பொருட்களை மாற்றிக் கொள்ளும் மக்கள், இந்தக் கூடை பைகளை பயன்படுத்துவது அசௌகரிய மாக உணர்ந்ததால்தான் அதை தவிர்க்க ஆரம்பித்தனர். ஆனால் இது தமிழர் களின் கண்டுபிடிப்பு. இதை தயாரிக்கவும், பயன்படுத்தவும் பெருமைப்பட வேண் டும்" என பேசத்துவங்கினார் தனுஷியா.