சிறுதானியங்களில் சுவையான காலை உணவினை தயாரிக்கும் தம்பதி

சிறுதானிய உணவுகள்தான் நம் முன்னோர்கள் காலத்தில் அன்றாட உணவாக இருந்தது.

- சித்ரா சுரேஷ்

தினமும் கம்பு, கேழ்வரகு, தினை, வரகு போன்றவற்றில் சாதம், களி அல்லது கஞ்சி என சாப்பிட்டு வந்தார்கள். காலம் மாற நாம் அரிசி சாப்பாட்டிற்கு நம்மை பழக்கப்படுத்திக் கொண்டோம். ஆனால் இன்றைய தலைமுறையினர் அரிசி சாப்பாட்டையே தவிர்த்து பீட்சா, பர்கர் மட்டுமில்லாமல்... நாவின் சுவையினை தூண்டக்கூடிய பலவித துரித உணவுகளையே விரும்புகிறார்கள். மேலும் சிறுதானிய உணவுகளை சமைக்கும் நேரம் அதிகம் என்பதால், அதனை நம்மில் பலர் தவிர்த்து வருகிறார்கள். இதைப் புரிந்துகொண்டு பலர் சிறுதானியங்களை பொடி, மாவு வடிவத்தில் மதிப்பு கூட்டும் உணவுப் பொருளாக மாற்றி வருகின்றனர். அதனை நாம் தோசையாகவோ அல்லது சாதத்தில் கலந்து சாப்பிடலாம். இந்த வரிசையில் சிறுதானியத்தில் முசிலி போன்ற காலை சிற்றுண்டிகளை அறிமுகம் செய்துள்ளனர் கோவை மாவட்டத்தை சேர்ந்த அனுஷீலா, ஆனந்த ஜோதி தம்பதியினர்.

"கோவையில் வடவல்லிதான் என்னுடைய ஊர். பொறியியல் பட்டதாரி. கை நிறைய சம்ப ளத்தில் வேலை. கொரோனா எங்க எல்லோரையும் புரட்டிப் போட்டது. அந்த சமயத்தில் வீட்டில் இருந்தபடியே வேலைப் பார்க்க வேண்டிய நிலை ஏற்பட் டது. அலுவலக வேலையை வீட்டில் பார்த்து வந்தாலும், வேறு ஏதாவது சொந்தமாக தொழிலிலும் ஈடுபட லாம் என்ற யோசனை ஏற்பட்டது. ஒரே இடத்தில் அமர்ந்து வேலைப் பார்ப்பதால் ஏற்ப டும் அசவுகரி யம் ஒரு பக்கம் இருந்தாலும், வீட்டில் வேலைப் பார்க்கும் போது, ஏதாவது ஸ்நாக்ஸ் உணவுகளை சாப் பிட வேண்டும் என்ற ஆவல் ஏற்படும். நாவிற்கு சுவையாக இருந்தாலும், அது நாளடைவில் தன்னு டைய வேலையை காண்பிக்க துவங்கும். அதற்கு ஈடாக மேலும் காலை சிற் றுண்டிக்கு ஏற்ப ஒரு நல்ல ஆரோக் கிய உணவினை கொடுக்க விரும்பி னேன். நானும் மற்றவர்கள் போல் சிறுதானிய மாவு அல்லது சிறு தானியங்களை விற்பனை செய்யாமல், வித்தியாச மாக செய்ய விரும்பி னேன். அதில் துவங்கப் பட்டது தான் எங்களின் சிறுதானிய முசிலி நிறு வனமான 'ஹெர்போ லைட் நியுட்ரிலைட்'. ஒரு முழுமையான காலை உணவு. குழந்தைகள் முதல் பெரியவர்கள் அனைவரும் விரும்பி சாப்பிடக்கூடியது" என்ற ஆனந்த ஜோதி முசிலியின் தயாரிப்பு மற்றும் பேக்கிங் முறைகள் குறித்து விவரித்தார். அவரை தொடர்ந்தார் அவரின் மனைவி அனுஷீலா.