സഫലമാക്കാം ബില്യൺ സ്വപ്നങ്ങൾ

ഇരിങ്ങാലക്കുട നഗരത്തിൽ തന്നെയാണ് ബില്യൺ ബീസിന്റെ അത്യാധുനിക AI സംവിധാനമുള്ള ഓഫീസും ട്രേഡിങ് സെന്ററും

ഇന്ന് ആർട്ടിഫിഷ്യൽ ഇന്റലിജൻസിന്റെ ലോകമാണ്. മനുഷ്യ പ്രയത്നം യന്ത്രവലകൃതമാകുന്ന ഈ കാല ഘട്ടത്തിൽ ഏതൊരു മേഖലയിലേയും പോലെതന്നെ, ട്രേഡിങ് മേഖലയിലും നവീന ആശയങ്ങളുമായി ഇരിങ്ങാലക്കുടയിൽ നിന്നും ബില്യൺ ബീസ് എന്ന ആഗോള ബ്രാൻഡിന് തുടക്കമിട്ടു. “ഫിനാൻഷ്യൽ ഫ്രീഡം ടു ഓൾ" എന്ന ആശയം മുന്നോട്ട് വെച്ചതും അത് പ്രാവർത്തികമാക്കിയതും ഈ ഗ്രൂപ്പിന്റെ ചെയർമാനായ ബിബിൻ കെ ബാബുവാണ്. അദ്ദേഹം തന്നെയാണ് ഈ ആഗോള ബ്രാൻഡിന്റെ അമരക്കാരനും.

നടവരമ്പ് കിഴക്കേ വളപ്പിൽ ബിബിൻ ചെറുപ്പത്തിലേ തന്നെ തന്റെ സ്വപ്നങ്ങൾക്ക് കാവലിരുന്നിരുന്നു.

മികച്ച ജോലി, ഉയർന്ന ശമ്പളം, മെച്ചപ്പെട്ട ജീവിതം അങ്ങനെ ഏതൊരു ചെറുപ്പക്കാരന്റെയും സ്വപ്നം അയാളുടേത് കൂടിയായിരുന്നു. സാധാരണക്കാരൻ ചെയ്യുന്ന ജോലികൾ അതും പാർട് ടൈം ആയി ചെയ്തുകൊണ്ടാണ് തന്റെ പ്രാഥമിക പഠന കാലയളവ് അയാൾ പൂർത്തീകരിച്ചത്. ശേഷം ബികോമിന് പിന്നാലെ കൊല്ലത്തുള്ള സ്വകാര്യ ബാങ്കിങ് കോച്ചിങ്ങിന് ചേർന്ന് ബിബിൻ എഴുതിയ ബാങ്ക് ടെസ്റ്റുകൾ എല്ലാം ആദ്യ ലിസ്റ്റിൽ ഇടം പിടിച്ചു. മൂന്ന് ബാങ്കുകളിൽ നിന്നും കേന്ദ്രസർക്കാരിന്റെ ഇഎസ്ഐ കോർപ്പറേഷനിൽ നിന്നും തന്റെ മികവിനുള്ള അംഗീകാരം ഓഫർ ലെറ്ററായി ലഭിക്കുകയും പിന്നീട് ICICI ബാങ്കിൽ അസിസ്റ്റൻറ് മാനേജർ ഗ്രേഡ് വണ്ണിൽ ജോലിക്ക് കയറുകയും ചെയ്തു.

ബാങ്കിംഗ് പ്രൊഫഷണൽ മേഖലയിൽ ജോലി ലഭിച്ച ബിബിൻ തന്റെ മുൻപിലുള്ള ബാങ്കുകൾ, പോർട്ട്ഫോളിയോ മാനേജ്മെന്റ് കമ്പനികൾ തുടങ്ങിയ കോർപ്പറേറ്റ് സ്ഥാപനങ്ങൾ ഇൻവെസ്റ്റ് ചെയ്തിരുന്ന സ്റ്റോക്ക് മാർക്കറ്റ് മേഖലയിലെ സാധ്യതകൾ കണ്ടെത്തുകയും ഗവേഷണം നടത്തുകയും ചെയ്തു. ഒടുവിൽ താൻ അത്രയും നാൾ കണ്ടിരുന്ന സാമ്പത്തിക സ്വപ് നങ്ങൾക്ക് ചിറകുമുളയ്ക്കുന്നത് അദ്ദേഹം കണ്ടു.

ആ ചിറകിന്റെ നിഴലിൽ തന്റെ സ്വപ്ന ത്തിലേക്കുള്ള ആദ്യപടിയിൽ അദ്ദേഹം കാലെടുത്തുവെച്ചു.

തന്റെ ഗവേഷണത്തിന്റെ ഭാഗമായി ട്രേഡിങ് രംഗത്തെ നിയമസാധ്യതകൾ മനസ്സിലാക്കുകയും ഗവൺമെന്റ് ഓഫ് ഇന്ത്യയുടെ അംഗീകൃത സ്ഥാപനമായ SEBI (സെക്യൂരിറ്റി എക്സ്ചേഞ്ച് ബോർഡ് ഓഫ് ഇന്ത്യയുടെ കീഴിൽ നിന്നും വ്യത്യസ്ത സെഗ്മെന്റുകളിൽ നിന്നും റിസർച്ച് അനലിസ്റ്റ് ഉൾപ്പെടെയുള്ള നാലിലധികം സർട്ടിഫിക്കേഷൻ നേടുകയും ചെയ്തു.