സലൂണിൽ സ്റ്റാറാണ് ഡോക്ടർ

ഏത് ജോലിയും ആത്മാഭിനമാണന്നു ലോകത്തെ പഠിപ്പിച്ച സംരംഭകൻ. വൈറ്റ് കോളർ ജോലി മാത്രമല്ല, ജീവിതത്തിനു സംതൃപ്തി നൽകുന്നതെന്ന് ഈ സംരംഭകൻ നമ്മെ കാണിച്ചു നൽകുന്നു.

ഏത് ജോലിയും ആത്മാഭിനമാണന്നു ലോകത്തെ പഠിപ്പിച്ച സംരംഭകൻ. വൈറ്റ് കോളർ ജോലി മാത്രമല്ല, ജീവിതത്തിനു സംതൃപ്തി നൽകുന്നതെന്ന് ഈ സംരംഭകൻ നമ്മെ കാണിച്ചു നൽകുന്നു. മറ്റാരുമല്ല, അഷ്ടമുടി ബ്യൂട്ടി സലൂൺ എന്ന ലോക ബ്രാന്റിന്റെ ഉടമ ഡോ. പ്രീതേഷ്, വൈറ്റ് കോളർ ജോലി ഉപേഷിച്ചു കഠിനാധ്വാനത്തിലൂടെ പ്രീതേഷ് ബിസിനസ് സാമ്രാജ്യം കെട്ടിപ്പെടുത്തു. ഒപ്പം മലയാളികളുടെ സ്വന്തം സലൂൺ ബ്രാന്റ് അഷ്ടമുടി ബ്യൂട്ടി സലൂൺ' വളർത്തിയെടുത്തു. ഒരു ഡോക്ടർ ലോകം അറിയുന്ന സലൂൺ ബ്രാന്റിന്റെ ഉടമയായ കഥ കേൾക്കാം.

2010ൽ ആണ് ഡോ. പ്രീതേഷ് മെഡിക്കൽ ഫീൽഡിൽ നിന്ന് സലൂൺ ബിസിനസിലേക്കെത്തുന്നത്. റഷ്യയിൽ നിന്ന് ഡെന്റിസ്റ്റ് പഠനം പൂർത്തിയാക്കി നാട്ടിലെത്തിയ ഡോ. പ്രീതേഷ് മറ്റുള്ളവരെ പോലെ ദന്തൽ ആന്റ് കോസ്മറ്റിക് ക്ലിനിക്കിന് തുടക്കമിട്ടു. എന്നാൽ, സംരംഭകനെന്ന ആഗ്രഹം മനസിൽ നിന്ന് വിട്ടൊഴിഞ്ഞിരുന്നില്ല. ക്ലിനിക്കിൽ ഓർത്തോഡോണ്ടിസ്റ്റ് ആയിരുന്നു പ്രവർത്തന മേഖല, മനോഹരമായ ചിരി മാത്രമല്ല, പൂർണമായ സൗന്ദര്യത്തിന് മുടിയ്ക്കും ശരീരത്തിനും പരിചരണം വേണമെന്ന അഭിപ്രായക്കാരനായിരുന്നു പ്രീതേഷ്. പല്ലുകൾ മാത്രം മനോഹരമാക്കിയാൽ ഒരാൾക്ക് പൂർണ സൗന്ദര്യമുണ്ടാകില്ല. അതിനു മുടിയും മുഖവും എന്തിന് നഖം പോലും മനോഹരമാക്കേണ്ടതുണ്ട്. ദന്തൽ ക്ലിനിക്കിലെത്തുന്ന പലരുടെയും മുടിയിഴകൾ ഒന്ന് ശ്രദ്ധിച്ചാൽ മനോഹരമാക്കാമെന്നു പലപ്പോഴും പ്രീതേഷിനു തോന്നിയിട്ടുണ്ട്.