അകത്തളങ്ങളിൽ അറബിക് കാലിഗ്രാഫി

കാലിഗ്രാഫി കലയാക്കിയ സുഹ്റ

മനസ് ഒന്നു തണുപ്പിക്കാൻ, ഏകാഗ്രമായി ഒന്നു വിശ്രമിക്കാൻ വീടല്ലാതെ മറ്റെന്താണ് നമ്മുക്കുള്ളത്. വീടിന്റെ ഭംഗിയിലും സൗകര്യങ്ങളിലും എന്ന പോലെയാണ് സമാധാനവും സന്തോഷവും എന്നത്. അതിൽ വിശ്വാസത്തിന് ഒരു പങ്കുണ്ട്. വിശ്വാസങ്ങളുടെ ഭാഗമായി വീടിന്റെ അകത്തളങ്ങളിൽ അറബിക് കാലിഗ്രാഫി ഒരുക്കിയിരിക്കുന്നത് കണ്ടുവരുന്നു.

അകത്തളങ്ങൾക്ക് ഇസ്ലാമികമായ കയ്യൊപ്പ് നൽകാൻ ഒരു പരിധിവരെ അറബിക് കാലിഗ്രാഫി ഉപയോഗപ്പെടുത്തുന്നുണ്ട്. അറബിക് കാലിഗ്രാഫി ആർട്ടിസ്റ്റും സംരംഭകയുമാണ് സോയ സുഹ്റ. സുഹ്റയുടെ അറബിക് കാലിഗ്രാഫിയിൽ ഒരുക്കിയ വീടുകൾ ഒട്ടേറെയാണ്. സോയ എഴുതിയ അറബിക് കാലി ഗ്രാഫി കൊച്ചിയിൽ മാത്രമല്ല, കണ്ണൂരിലും ബംഗ്ലളൂരുവിലുമുള്ള ആഢംബര വീടുകൾക്ക് അഴകും വിശ്വാസവും നൽകുന്നു. ആദ്യ കാലങ്ങളിൽ അറബിക് കാലിഗ്രാഫി വിശുദ്ധഖുർആൻ പോലുള്ള ഗ്രന്ഥങ്ങൾക്കും കവിത പോലുള്ള കൃതികൾക്കും ഉപയോഗിച്ചിരുന്നു. എന്നാൽ ആളുകളുടെ ചിന്താ ഗതിയിൽ മാറ്റം വന്നതോടെ വാസ്തു വിദ്യയും ഇന്റീരിയർ ഡിസൈനിംഗും ഉൾപ്പെടെ മറ്റെല്ലാ കലാരൂപങ്ങളിലേക്കും ഇത് കടന്നുവന്നു.