സേഫ് സിസ്റ്റംസ്: തലമുറകൾ കടന്ന സംരംഭക പാരമ്പര്യം

പഠനകാലത്തു തന്നെ അച്ഛന്റെ പ്ലൈവുഡ് ബിസിനസിനൊപ്പം കൂടിയതാണ് മുജേഷ്. മുന്നോട്ടുള്ള പാത ബിസിനസ് തന്നെയെന്ന് യുവാവായ കാലത്ത് തന്നെ ഉറപ്പിച്ചു. ചെന്നൈയിൽ ഗ്രാവേഷൻ പൂർത്തിയാക്കി, പോസ്റ്റ് ഗ്രാ വേഷനായി ബെംഗളൂരുവിലേക്ക് വണ്ടി കയറുമ്പോൾ, പഠനം മാത്രമായിരുന്നു ലക്ഷ്യം. ബെംഗളൂരുവിലെ രാമയ്യ ഇൻസ്റ്റിറ്റ്യൂട്ട് ഓഫ് ടെക്നോളജിയിൽ ഉച്ചയ്ക്ക് ഒരു മണി വരെ എംബിഎ ക്ലാസ്. ശേഷം ബെംഗളൂരുവിലെ സേഫിന്റെ ഓഫീസിൽ, മാർക്കറ്റിങ് സെക്ഷനിൽ തിരക്കിട്ട ജോലി.

ടിമ്പറിൽ നിന്ന് പ്ലൈവുഡിലേക്കും, പിന്നീട് പുതിയ കാലത്തിന്റെ മാറ്റങ്ങൾക്കനുസരിച്ച് എഞ്ചിനീയറിങ് ഫോം വർക്കുകളിലേക്കും വളർന്ന സംരംഭം. സേഫ് സിസ്റ്റംസ് പ്രൈവറ്റ് ലിമിറ്റഡ്. എഴുപത്തിയഞ്ച് വർഷങ്ങൾക്കിപ്പുറം ചെന്നൈയിലും, ബെംഗളൂരുവിലുമടക്കം പടർന്നു പന്തലിച്ച സംരംഭക പാരമ്പര്യം. കന്യാകുമാരിയിലെ റോഡ് പ്രൊജക്ട് മുതൽ ജമ്മു- ബാരാമുള്ള റെയിൽ ലൈൻ പ്രൊജക്ടു വരെ. സേഫ് പ്രൊഡക്ടുകളുടെ കരുത്തിൽ പണിതുയർത്തിയ വികസന സ്വപ്നങ്ങൾ വിരലിലെണ്ണിയാൽ തീരാവുന്നവയല്ല. മൂന്ന് തലമുറകൾ പിന്നിട്ട് സേഫ് സിസ്റ്റംസിനെ നയിക്കുന്ന സംരംഭകൻ സികെപി മുജേഷ്, ബിസിനസിലെ മുജേഷിന്റെ അറിവും, അനുഭവ സമ്പത്തും തന്നെയാണ് ഇന്നത്തെ സേഫിന്റെ വിജയ യാത്രയ്ക്ക് പിന്നിലെ ചാലക ശക്തി.

മുജേഷിന്റെ രംഗപ്രവേശം