உங்கள் பாதுகாப்பு! உங்கள் பொறுப்பு!

சமீப காலமாக சம்பக்வனத்தில் விபத்துகள் அதிகமாக நிகழ்ந்து வந்தன.

- விவேக் சக்ரவர்த்தி

எனவே அதிகரித்து வரும் விபத்துகளின் பாதிப்பை கட்டுப்படுத்தும் வகையில், சாலை பாதுகாப்பு குறித்த பேனர்கள், சுவரொட்டிகள் எங்கும் ஒட்டப்பட்டன. வனத்தில் வசிப்பவர்களுக்கு விழிப்புணர்வை ஏற்படுத்த இந்த ஏற்பாடு செய்யப்பட்டது.

அதை படித்துப் பார்த்து டமரூ கழுதை, "இனிமேல், நான் இந்த விஷயங்களில் அதிக கவனம் செலுத்துவேன், எப்போதும் சாலையில் இருப்பதைத் தவிர்க்க முயற்சிப்பேன்" என்று கூறிக்கொண்டது. அன்று நடந்து சென்று கொண்டிருந்த போது திடீரென ஒரு இடத்தில் நின்று இடது பக்கம் ஏதோ சத்தம் வரவே டமரூ கழுதை பார்க்க ஆரம்பித்தது. அப்போது "நண்பரே யாரை தேடுகிறீர்கள்?" என்று பின்னால் இருந்து ஒரு குரல் வந்தது, உடனே டமரூ திரும்பியது.

அங்கே ஜாம்பி குரங்கு நின்றது. "ஓ, ஜம்பி, நீங்கள் தானா! யார் என்னை அழைக்கிறார்கள் என்று யோசித்தேன். சரி நீங்கள் எப்படி இருக்கிறீர்கள்?" டமரூ கேட்டது.

"நான் எப்பொழுதும் போல குதிரை மாதிரி ஆரோக்கியமாக இருக்கிறேன்" என ஜம்பி உற்சகமாக கூறியது. அதன்பின் சிறிது நேரம் பேசிவிட்டு, ஜம்பி தன் வழியில் சென்றது. சற்று நேரம் கழித்து, ஜம்பி திரும்பியபோது, டமரூ அதே இடத்தில் நிற்பதைக் கண்டதும் வியப்பு மேலிட்டது. "டமரூ, நீ ஏன் இன்னும் இங்கே நிற்கிறாய்? என்ன விஷயம்?'' ஜம்பி கேட்டது.

"ஜம்பி, நான் சாலையைக் கடக்க காத்திருக்கிறேன்'' டமரூ பதிலளித்தது.

"சாலையைக் கடக்க ஏன் தாமதம்.

இதில் யோசிக்க என்ன இருக்கிறது?'' ஜம்பி, ஆச்சரியத்துடன் கேட்டது.

"வாகனங்கள் கடந்து செல்லும் வரை காத்திருக்கிறேன்'” டமரூ சொன்னதை கேட்டதும், ஜம்பி அதை ஆர்வமாக பார்க்க ஆரம்பித்தது. "டமரூ, சாலையில் வாகனங்கள் எதுவும் வரவில்லையே" என ஜம்பி கேட்டது.

அதுதான் பிரச்சனை. வாகனங்கள் கடந்து செல்வதற்காக நான் இவ்வளவு நேரம் காத்திருந்தேன். "சாலையைக் கடக்க முடியும், ஆனால் வாகனங்கள் எதுவும் வரவில்லை" டமரூ சொன்னதும் அதைக்கேட்ட, ஜம்பி சிரித்துக் கொண்டே, "டமரூ,வாகனங்கள் சென்ற பிறகுதான் சாலையைக் கடக்க முடியும் என்று யார் சொன்னது?" "சாலை பாதுகாப்பு பிரச்சாரத்தின் போது சுவரொட்டிகளில் எழுதப்பட்டது,'' டமரூ பதில் அளித்தது.