మూఢనమ్మకాల విముక్తి

డై సీ పిల్లి ఇద్దరు కూతుళ్లతో ఒక చిన్న ఇంట్లో నివసిస్తోంది. పిల్లలు ఎంతో తెలివైన వారు

- కథ • సిద్దేశ్ బుసానే

డై సీ పిల్లి ఇద్దరు కూతుళ్లతో ఒక చిన్న ఇంట్లో నివసిస్తోంది. పిల్లలు ఎంతో తెలివైన వారు.రిగ్రీ పిల్లి నారింజ రంగు శరీరం, బంగారు పసుపు రంగు కళ్లు కలిగి ఉంది. బెర్రీ పిల్లిది నలుపు రంగు శరీరం, గోధుమ రంగు కళ్లు. డైసీ ఇద్దరిని ఎంతో ప్రేమగా చూసుకునేది. ప్రతి రోజూ పిల్లలతో ఆడుకుంటూ వాకింగ్కి వెళ్లేది. రాత్రి భోజనానికి ఓసారి చేపలను, మరోసారి ఎలుకలను తీసుకు వచ్చేది. ఇంకొన్నిసార్లు వారు పాలు తాగి ఆనందించేవారు.

ఓ రోజు డైసీ తన పిల్లల్లో పెద్దదైన రిగ్రీతో “రేపు మీరు ఒంటరిగా బయటకు వెళ్లి ఆహారం కోసం వేట మొదలు పెట్టాలి. ఈ విధంగా మీరు బయటి ప్రపంచాన్ని చూస్తారు” అని చెప్పింది.

మర్నాడు ఉదయం బెర్రీ, రిర్రీలు ఆహారాన్వేషణకు బయలుదేరారు. బెర్రీ ఒక రోడ్డు దాటసాగింది. ఆ సమయంలో మార్కెట్కి వెళ్తున్న ఇద్దరు మహిళలు ఎదురయ్యారు. వారికి బెర్రీపై చాలా కోపం వచ్చింది.

“ఈ పిల్లి మన దారికి అడ్డంగా వచ్చింది. ఇప్పుడు మన పని జరగదు" అని అంది ఒక మహిళ.

వారి వెనకాల ఒక పిల్లవాడు తండ్రితో కలిసి స్కూల్లో పరీక్ష రాయడానికి నడుచుకుంటూ వస్తున్నాడు. బెర్రీ వారికి కనిపించింది. వెంటనే అబ్బాయి తండ్రి “గబగబా నడువు. ఈ పిల్లి మన దారిని దాటితే నువ్వు పరీక్ష సరిగ్గా రాయలేవు. దాన్ని తరిమి కొట్టు" అన్నాడు. అబ్బాయి వెంటనే ఒక రాయి విసిరి దాన్ని తరిమి కొట్టాడు.

బెర్రీ చాలా బాధపడింది.

‘ప్రజలు నా గురించి అంత నీచంగా ఎందుకు మాట్లాడుతారు' అనుకుంది.