ఆరోగ్యానికి పోషకాల ఔషధం “ కలబంద,,

ప్రకృతి ప్రసాదించిన గొప్ప ఔషధాలమొక్క కలబంద. ఇళ్లలోను, అపార్ట్మెంట్స్లోను నివశించే వారు కూడా పెంచుకోవచ్చు.

ప్రకృతి ప్రసాదించిన గొప్ప ఔషధాలమొక్క కలబంద. ఇళ్లలోను, అపార్ట్మెంట్స్లోను నివశించే వారు కూడా పెంచుకోవచ్చు. పెద్దగా నీరు అవసరం వుండదు కనుక కుండీలలో కూడా పెరుగుతుంది. అన్ని కాలాల్లో లభ్యమవుతుంది. సహజసిద్ధమైన దివ్య ఔషధం కలబంద.

కలలో కూడా ఊహించలేని విశేషాలు ఈ కలబందలో కన్పిస్తాయి.దీనిలో పోషకాలు, ఔషధాలు, పుష్కలంగా దర్శనమిస్తాయి.

ఈ కలబంద ఉల్లిజాతికి, కలువజాతికి చెందిన మొక్క సుమారు రెండువేల సంవత్సరాలకు పూర్వమే ప్రజలు దీని ప్రాశస్త్యాన్ని పసిగట్టారు. కలబంద మూడడు గుల ఎత్తు ఎదుగుతుంది. పూర్తిగా పక్వం చెందడానికి మూడు లేక నాలుగు సంవత్సరాలు పడుతుంది. ఇది భారత్, అమెరికా, కరేబియన్ దీవుల వంటి ఉష్ణ ప్రాంతాల్లో ఎక్కువుగా పెరుగుతుంది. దీని ఆకులు దట్టంగాను, పొడవుగానూ వుంటాయి. తాకితే మృదువుగా అనిపించే ఈ ఆకుల అంచుల్లో ముళ్ళు కన్పిస్తాయి. ఈ ఆకుల్లోపల ఓ మెత్తని గుజ్జు ఏర్పడుతుంది. ఆ గుజ్జులోనే పోషకాలు, రోగ నిరోధకాలు నిక్షిప్తమైయుం టాయి. ఈ గుజ్జును బయటకు తీశాక ఎక్కువసేపు సూర్యరశ్మికి గురిచేయ కూడదు. అలా ఒకవేళ సూర్యరశ్మికి ఎక్కువసేపు గురైతే దీనిలోని శక్తిసామ ర్థ్యాలు క్షీణిస్తాయి. కలబంద గుజ్జులో సుమారు 95శాతం నీరే వుంటుంది.

మిగిలిన 5 శాతంలో అనేక రకాల పోషక పదార్థాలు మిళితమైయున్నాయి.