நலம் தரும் வெந்தயக் கீரை!

இன்றைய சமூகத்தினர்  மாறுபட்ட  உணவுப்பழக்கம், இராசயனம் கலந்த உணவுப் பொருட்கள், வேறுபட்ட பணி நேர சூழல் போன்ற காரணங்களால் பல்வேறு நோய்களை இலவசமாக  பெற்றுக் கொள்கிறார்கள். நோய்களை தடுக்க நவீன  மருத்துவத்தில்  பல வசதிகள் இருந்தாலும், பெரும்பாலானோர் இயற்கை வழிமுறையில்  குணம் பெற விரும்புகிறார்கள் என்பதில் மாற்றுக் கருத்து இருக்காது.  நமது உடல் இயல்பாகவே நோயினை எதிர்க்க சர்வ வல்லமையுடைய நோய் எதிர்ப்பு மண்டலத்தை கொண்டுள்ளது.

- ஆர்.சர்மிளா

இத்தகைய நோய் எதிர்ப்பு மண்டலத்தை சீராக செயல்படுத்த அனைத்துச் சத்துகள்  உள்ளடங்கிய உணவு முறையை பின்பற்றுவது மிக  அவசியம்.  குறிப்பாக பாரம்பரிய உணவு முறை. பாரம்பரிய உணவு முறையினை பற்றியும், அவற்றை  பயன்படுத்திய விதத்தைப் பற்றியும் இன்றைய தலைமுறையினருக்கு எடுத்துச் செல்வது கட்டாயமாக உள்ளது.

குழந்தைகளில் பெரும்பாலானோர் தீமை விளைவிக்கும் துரித வகை உணவுகளை உட்கொள்ளவே விரும்புகிறார்கள். தவிர கீரையை உட்கொள்ளவே தயங்குகின்றனர். ஆனால்,  கீரைகள் ஊட்டச்சத்துகள் நிறைந்தவையாகவும், மருத்துவக் குணங்கள் கொண்டவைகளாகவும் திகழ்கின்றன. அதிலும் குறிப்பாக  வெந்தயக்கீரை  ஏராளமான மருத்துவக் குணங்களை உள்ளடக்கியுள்ளது.