மெனோபாஸுக்கு பிறகு ஏற்படும் உதிரப்போக்கு தீர்வு என்ன?

இறுதி மாதவிடாய்ப் பருவத்தை அடைந்தபிறகு மாதவிடாய்த் தொல்லைகள் இல்லாமல் ‘நிம்மதியாக இருக்கலாம் என்று அர்த்தம் இல்லை. சிலருக்கு இந்த நிம்மதி தொலைகிறது. ஆம், சுமாராகப் பத்தில் ஒரு பெண்மணிக்கு இந்தப் பிரச்னை வருகிறது. மாதவிடாய் நின்ற ஒருவருக்கு ரத்தப்போக்கு ஏற்படுவது கவலைக்குரிய விஷயம். மாதவிடாய் நின்று ஒரு வருடத்திற்கும் மேலான காலத்தில் திடீரென்று ரத்தப்போக்கு ஏற்பட்டால், உடனே உங்கள் மருத்துவரை அணுகுங்கள்.

- ஸ்ரீகலா பிரசாத்

வருடாந்திர மருத்துவப் பரிசோதனை எப்பொழுது செய்ய வேண்டும்.

மாதவிடாய் நின்ற பிறகு ரத்தப்போக்கு ஏற்பட்டால் மருத்துவப் பரிசோதனை அவசியம். ஒரே ஒருமுறை சிறிதளவு ரத்தப் போக்கு ஏற்பட்டாலும் அலட்சியம் செய்யக்கூடாது.

வலி இல்லாத உதிரப்போக்கு ஏற்பட்டாலோ, வெள்ளைப்படுவது பழுப்பு நிறமாக அல்லது ரத்தம் கலந்ததாக இருந்தாலோ, அது உதிரம் இல்லை என்று நீங்கள் உறுதியாக நினைத்தால் கூட மருத்துவரைப் பார்க்க வேண்டும்.