പോരായ്മ അംഗീകരിക്കലാണ് സ്നേഹം

ബന്ധങ്ങൾ വിലപ്പെട്ടതാണ്. അവയെ ക്ഷമാപൂർവം, കരുതലോടെ പരിപാലിക്കാം

അമേരിക്കൻ പ്രസിഡന്റ് ലിങ്കണ കാണാൻ സുഹൃത്തെത്തി. അയൽക്കാരനെതിരെ കേസെടുക്കണം എന്നാണാവശ്യം.

“എത്രകാലമായി നിങ്ങൾ അയൽക്കാരായിട്ട്?” ലിങ്കൺ ചോദിച്ചു. പത്തു വർഷം എന്നു മറുപടി.

ലിങ്കൺ തന്റെ കുതിരക്കുനേരെ ചൂ ണ്ടി: “ഇവൻ പന്ത്രണ്ട് കൊല്ലമായി എന്നോടൊപ്പമുണ്ട്. വാശിക്കാരൻ. പലപ്പോഴും ശല്യം. പക്ഷേ, ഞാൻ ക്ഷമിക്കുന്നു; ഒത്തുപോകുന്നു. ഒഴിവാക്കിയാൽ പകരക്കാരൻ മെച്ചമാകുമെന്ന് ഉറപ്പില്ല.

 സുഹൃത്ത് മടങ്ങി. നമ്മുടെ ഇഷ്ടമനുസരിച്ചേ മറ്റുള്ളവർ പെരുമാറാവൂ എന്ന് ശഠിച്ചാൽ ബന്ധങ്ങൾ ഇല്ലാതാകും. മറ്റുള്ളവരെ പോരായ്മകളോടെ അംഗീകരിക്കാൻ കഴിയണം. നമുക്കുമുണ്ടല്ലോ പോരായ്മകൾ.