ബെത്ലഹേമിൽ പുൽക്കൂടൊരുങ്ങിയില്ല

വർഷം മുഴുവൻ തീർഥാടകരാലും സഞ്ചാരികളാലും നിറഞ്ഞു നിൽക്കുന്ന ഇവിടത്തെ ഡിസംബർ മാസം അവിസ്മരണീയമാണ്

-  ഫായിസ് അബൂബക്കർ

ഓർമകൾക്ക് സുഗന്ധവും കാഴ്ചകൾക്ക് തിളക്കവും മനസ്സിന് മധുരവും സമ്മാനിക്കുന്ന മനോഹര കാലമാണ് ക്രിസ്മസ്. സന്തോഷത്തിന്റെയും ആന ന്ദത്തിന്റെയും രാപ്പകലുകൾ സമ്മാനിക്കുന്ന വിശേഷ സമയം. എന്നാൽ, യേശുവിന്റെ ജന്മസ്ഥലമെന്ന് അറിയപ്പെടുന്ന ബെത്ലഹേമിലെ വിശേ ഷങ്ങൾ മറ്റൊന്നാണ്. നസ്ത്തിലിന്ന് ക്രിസ്മസ് താരകങ്ങൾ തിളങ്ങിത്തുടങ്ങിയിട്ടില്ല, ക്രിസ്മസ് ട്രീകളില്ല, അലങ്കാര വിളക്കുകളില്ല, തെരുവുകൾ ഉണർന്നിട്ടില്ല. മുമ്പൊന്നും ഇല്ലാത്ത മൂകത ജറൂസലമിന്റെയും നസത്തിന്റെയും വീഥികളിൽ ഉയർന്നുനിൽക്കുന്നു.

ആഘോഷ നാളുകൾക്കുപകരം ഭീതി രംഗപ്രവേശം ചെയ്ത കാഴ്ച, ആളൊഴുകുന്ന ആഘോഷങ്ങൾക്ക് ആക്കമില്ലാത്ത തെരുവുകൾ. അധിനിവേശ ഭീകരരുടെ ക്രൂരകൃത്യങ്ങൾ ഒരു സമൂഹത്തിന്റെ സന്തോഷങ്ങളും ആഘോഷങ്ങളും മതാചാരങ്ങളും നിറംകെടുത്തിയിരിക്കുന്നു.

സെമിറ്റിക് മതങ്ങളുടെ സംഗമഭൂമിയാണ് ജറൂസലമും പരിസരങ്ങളും. മുസ്ലിംകളുടെ മൂന്നാമത്തെ പ്രധാന പള്ളിയാണ് ജറൂസലമിൽ സ്ഥിതിചെയ്യുന്ന മസ്ജിദുൽ അഖ്സ മുഹമ്മദ് നബി ആകാശാരോഹണം നടത്തിയപ്പോൾ തങ്ങിയ പള്ളി, മുസ്ലിംകൾ ആദ്യം തിരിഞ്ഞുനമസ്കരിച്ചിരുന്ന പള്ളി തുടങ്ങിയ കാരണങ്ങൾ കൊണ്ട് ഇസ്ലാം മതവിശ്വാസികൾക്ക് ജറൂസലം പ്രധാനപ്പെട്ടതാണ്. ജൂതർക്കും ജറൂസലം പുണ്യഭൂമിതന്നെ. യേശുവിന്റെ ജനനവും ബാല്യകാല ജീവിതവും പീഡാനുഭവങ്ങളുമെല്ലാം ജറൂസലം നഗരത്തിലും പരിസരങ്ങളിലുമായാണ് നടന്നത്. അതുകൊണ്ട് ക്രിസ്തുമതത്തിലെ മിക്ക വിഭാഗങ്ങൾക്കും ജറൂസലമിൽ ആരാധനാലയങ്ങളുണ്ട്. 10 കിലോമീറ്ററിനുള്ളിലാണ് മിക്ക ദേവാലയങ്ങളും സ്ഥിതിചെയ്യുന്നത്. അതിനാൽ ത്തന്നെ ഇവിടങ്ങളിലെ ക്രിസ്മസ് ആഘോഷങ്ങൾ ദർശിക്കാൻ ധാരാളം ആളുകൾ മറ്റു രാജ്യങ്ങളിൽനിന്നും എത്തിച്ചേരാറുണ്ട്. യേശു ജനിച്ചത് ബെത്ലഹേമിലെ കാലിത്തൊഴുത്തിലാണ്. അത് സ്ഥിതിചെയ്യുന്നത് ഫലസ്തീനിലാണ്.