മുഹബ്ബത്തിന്റെ ബിരിയാണി കിസ്സ

ബിരിയാണിയോളം നമ്മെ കൊതിപ്പിക്കുന്ന വിഭവം വേറെയുണ്ടാകില്ല. ബിരിയാണിയുടെ വൈവിധ്യം നിറഞ്ഞ ചരിത്രവും രുചി വിശേഷങ്ങളുമിതാ...

- കെ.പി. മൻസൂർ അലി

ബിരിയാണിയോളം രുചിയും പ്രിയവും പകർന്ന മറ്റെന്തുണ്ടാകും? ഒറ്റ മുഹൂർത്തത്തിനോ നാളിനോ ആകുമ്പോൾ പറയാൻ വേറെ ചിലതുണ്ടാകുമെങ്കിലും എന്നും എപ്പോഴും നാവിൽ കപ്പലോട്ടുന്ന രുചിക്കൂട്ടായി മറ്റൊന്നുമില്ല എന്നാകും ഉത്തരം. നാടെത്ര മാറിയാലും കടലെത്ര കടന്നാലും ചെറിയരു ചിഭേദങ്ങളോടെ അവിടെ ബിരിയാണിയുണ്ടെന്നതാണ് പുതുകാല വിശേഷം.

ആർഭാടം വഴിയുന്നിടത്തും ശരാശരിക്കാരനും ഒരേ സ്വാദോടെ അത് വിളമ്പും. പേരുമാറി പലതും അടുക്കളയിൽ കയറിവന്ന് ഇടവും ഇമ്പവും കവരുന്ന കാലത്തും വിട്ടേച്ചു പോകാനറിയാത്ത ഇഷ്ടവിഭവം. സിനിമയായാലും സാഹിത്യമായാലും ബിരിയാണിക്കഥകൾ എന്നും നമ്മെ ത്രസിപ്പിച്ചിട്ടേയുള്ളൂ.

ഓരോ നാടിന്റെ നാവും രുചിയുമറിഞ്ഞ് ചെറുതും വലുതുമായ മാറ്റങ്ങളോടെയാണ് കാലമേറെ കഴിഞ്ഞും ബിരിയാണി നമ്മെ കൊതിപ്പിക്കുന്നത്. ഭക്ഷണത്തിലെ പരീക്ഷണ ങ്ങൾ അടുക്കളകളുടെ ആവേശമായുണരുമ്പോൾ പോലും ബിരിയാണി വേവുന്ന കലത്തോട് ഇത്തിരി ആദരം ഏതു കാലത്തും മാറിപ്പോരുന്ന പാരമ്പര്യമാണ്.

സാന്ത്വന പ്രവർത്തനങ്ങൾക്കുൾപ്പെടെ ഭക്ഷണം വിളമ്പി പണം പിരിക്കാമെന്ന ചിന്ത മലയാളിയിലുണർന്ന ആദ്യകാലം മുതൽ ബിരിയാണി ചലഞ്ചുകൾ നമുക്കറിയാം. 100- 500 ആയിരങ്ങളുമായി ബിരിയാണിപ്പൊതികൾ ചലഞ്ചുകളിൽ കൈകളിലെത്തുമ്പോൾ ഏതു ധനസമാഹരണവും വിജയിക്കും. മലയാളിക്ക് ഇത്രമേൽ ബിരിയാണി പ്രിയപ്പെട്ടതാണെന്നതിന് ഇതിലേറെ വലിയ സാക്ഷ്യം വേറെയെന്തുവേണം.

ഒരേയൊരു ബിരിയാണി.പല പിറവിക്കഥകൾ