બહાર તકરાર અંદર કરાર, કેવી અવઢવ દશામાં રાજ્ય અને કેન્દ્રની યોજનાઓ!

શિક્ષકોની ભરતીથી જે વિવાદ વકર્યો તે ધાર્યા કરતાં ઊંડો નીકળ્યો. સામાન્ય રીતે એમ કહેવાય કે મોટો થતો ગયો, પણ પશ્ચિમ બંગાળમાં શિક્ષણ ભરતીનો વિવાદ હવે કોર્ટમાં વિચારાધીન છે એટલે તેમાંથી દરેક સુનાવણી પછી નવું રહસ્ય બહાર આવે છે, નવાં નામો ઊભરે છે, હવે તો જજો પણ ટિપ્પણી કરે છે કે સત્ય ઊંડાણમાં છે!

- મુકેશ ઠક્કર

રાજ્ય અને કેન્દ્ર સરકાર વચ્ચે મડાગાંઠ સૌથી પહેલાં કેરળમાં સર્જાઈ હતી. કેરળમાં ડાબેરીઓ અને કોંગ્રેસ વચ્ચે ખેંચતાણ શરૂ થઈ તે પછી કોંગ્રેસ બદલાઈ ગઈ. ડાબેરી પક્ષો પણ નાના ઘટકોમાં વહેંચાઈ ગયા. આવી અસર પશ્ચિમ બંગાળમાં પણ ત્યારથી જોવાય છે.

પશ્ચિમ બંગાળના બે વિધાનસભાની ચૂંટણી દરમિયાન જે મુદ્દા હતા, તે ત્યાં જ છે. લાંબા ગાળાની યોજના બનાવવાથી ભોગ આપવો પડે, આખું તંત્ર શિક્ષણની આસપાસ ફરતું રહ્યું. શિક્ષકોની ભરતીથી જે વિવાદ વકર્યો તે ધાર્યા કરતાં ઊંડો નીકળ્યો. સામાન્ય રીતે એમ કહેવાય કે મોટો થતો ગયો, પણ પશ્ચિમ બંગાળમાં શિક્ષણ ભરતીનો વિવાદ હવે કોર્ટમાં વિચારાધીન છે એટલે તેમાંથી દરેક સુનાવણી પછી નવું રહસ્ય બહાર આવે છે, નવાં નામો ઊભરે છે, હવે તો જજો પણ ટિપ્પણી કરે છે કે સત્ય ઊંડાણમાં છે!

રાજ્યપાલ પદે સી.વી. આનંદ બોઝ આવ્યા. સ્વભાવે વિનમ્ર સી.વી. આનંદ બોઝે તકરારનો રસ્તો બદલી આવકારનો રસ્તો અપનાવ્યો. જોકે તેમની શૈલી નરમ દેખાવા લાગી. રાજ્યમાં રેલવે, જલમાર્ગ, ધોરી માર્ગોનો વિસ્તાર કેન્દ્ર સાથે તાલમેલ કરીને જ આગળ વધી શકાય. રાજ્યપાલની બંધારણીય ભૂમિકા રાજ્ય સરકાર બદલી શકતી નથી.