પાંચ યાત્રાધામોને જોડતી પૂર્વોત્તરની ટ્રેન

૭૦૦ યાત્રીઓને પાંચ જ્યોતિર્લિંગનાં દર્શન અને ધર્મયાત્રાનો સુલભ લાભ ભારત ગૌરવ ટ્રેન આપશે!

- મુકેશ ઠક્કર

કૉલકાતાના હાવડા સ્ટેશનથી પૂર્વ ભારતની પ્રથમ વંદે ભારત એક્સપ્રેસનો વિજયોત્સવ શરૂ થયો હતો. કૉલકાતા ફરી એ જ યશ મેળવવા જઈ રહ્યું છે. પૂર્વ ભારતની પ્રથમ ભારત ગૌરવ ટ્રેન કૉલકાતાથી રવાના થવા જઈ રહી છે.

પશ્ચિમ બંગાળથી ભારત ગૌરવ ટ્રેન કેન્દ્રની ‘એક ભારત, શ્રેષ્ઠ ભારત’ અને ‘દેખો અપના દેશ’ યોજનાઓ હેઠળ આવી રહી છે. આ આવી સાતમી ટ્રેન હશે, અન્ય છ પહેલાંથી જ ભારતના અન્ય ભાગોમાંથી દોડી રહી છે.

જે ૭૦૦ યાત્રીઓને પાંચ જ્યોતિર્લિંગનાં દર્શન અને ધર્મયાત્રાનો સુલભ લાભ ભારત ગૌરવ ટ્રેન આપશે! ભારત ગૌરવ વિશેષ પ્રવાસી ટ્રેન તેની તીર્થયાત્રા કૉલકાતા સ્ટેશનથી શરૂ કરશે અને ઓમકારેશ્વ૨, મહાકાલેશ્વર, સોમનાથ, નાગેશ્વર અને ત્ર્યંબકેશ્વર એમ પાંચ જ્યોતિર્લિંગોને આવરી લેશે. ત્ર્યંબકેશ્વર સાથે સ્ટેચ્યુ ઑફ યુનિટી, શિરડી સાંઈબાબા અને શનિ શિંગણાપુર યાત્રા કરાવી કૉલકાતા સ્ટેશન પરત ફરશે.