યુવાનોમાં લોકપ્રિય બની રહ્યો છે એક્સેસરિઝનો ટ્રેન્ડ

યુવાનો પણ લૂક્સને લઈને સજાગ બન્યા છે અને એટલે જ એક્સેસરિઝના ટ્રેન્ડને તેઓ પણ અનુસરતા જોવા મળે છે. મહત્ત્વની વાત એ કે આઉટફિટ સાથે કઈ એક્સેસરિઝ મેચ થશે તેનો ખ્યાલ રાખવો મહત્ત્વનો બની રહે છે.

હવે એ દિવસો ગયા જ્યારે એક્સેસરિઝ માત્ર મહિલાઓ માટે જ ઉપલબ્ધ હતી અને મહિલાઓ જ એ પહેરતી હતી. હવે પુરુષો પણ એક્સેસરિઝ પહેરવાની ફેશનમાં સહેજ પણ પાછળ નથી અને એટલે જ મેન એક્સેસરિઝના ટ્રેન્ડમાં નિતનવીન કોઈ ને કોઈ નાવીન્ય જોવા મળતું રહે છે. ગોગલ્સ, બ્રેસલેટ, વોચ વગેરે જેવી એક્સેસરિઝનો ઉપયોગ કરીને હવે પુરુષો પણ કૂલ અને સ્માર્ટ દેખાવવાનો પ્રયત્ન કરે છે. ટૂંકમાં, એક્સેસરિઝ પર હવે માત્ર મહિલાઓનો ઇજારો જ નથી રહ્યો. યુવાનો પણ લૂક્સને લઈને સજાગ બન્યા છે અને એટલે જ એક્સેસરિઝના ટ્રેન્ડને તેઓ પણ અનુસરતા જોવા મળે છે. જોકે મહત્ત્વની વાત એ છે કે આઉટફ્ટિ સાથે કઈ એક્સેસરિઝ મેચ થશે તેનો ખ્યાલ રાખવો મહત્ત્વનો બની રહે છે. અમુકવાર ટ્રેન્ડ ચાલી રહ્યો છે એમ વિચારીને યુવાનો એક્સેસરિઝનો ઉપયોગ કરે છે, પણ જરૂરી નથી કે દરેક યુવાનને દરેક પ્રકારની એક્સેસરિઝ શોભે જ. તેથી યુવાનોએ ટ્રેન્ડની સાથે તેમના વ્યક્તિત્વને શોભે એ પ્રકારની એક્સેસરિઝ પર ધ્યાન આપવું જરૂરી બની જાય છે. એક્સેસરિઝને જો યોગ્ય રીતે મેચ ન કરવામાં આવે તો સમગ્ર લૂક ખરાબ બની જાય છે. એક્સેસરિઝનો યુઝ કરતા પહેલાં તેના વિશે યોગ્ય જાણકારી મેળવી લેવી અને અમુક વાતોનું ધ્યાન રાખવું મહત્ત્વનું બની જાય છે.