ફેશન ઇન્ડસ્ટ્રીમાં રંગોનું મહત્ત્વ

આપણે ત્યાં તો રંગોને લઈને એક આખું શાસ્ત્ર અસ્તિત્વ ધરાવે છે, પણ જો ફૅશન ઇન્ડસ્ટ્રી અને રંગોના મહત્ત્વની વાત કરીએ તો વિવિધ કલર કોમ્બિનેશનવાળાં કપડાં, પગરખાં 'ને એક્સેસરિઝ સતત નિતનવીન રીતે રજૂ થતાં રહે છે. આપણા દેશમાં દરેક તહેવાર, દરેક મોસમ, દરેક પ્રસંગને અનુરૂપ રંગોનાં કપડાંનું વૈવિધ્ય જોવા મળે છે. આપણે ત્યાં કલર સેન્સની વાત આવે ત્યારે ઉંમર પણ એક મહત્ત્વનું ફેક્ટર સાબિત થાય છે. ઉંમરને અનુરૂપ વ્યક્તિત્વને નિખારે તેવા રંગોની પસંદગી પર ભાર મૂકવામાં આવે છે

ફૅશન ઇન્ડસ્ટ્રીમાં રંગોનું ખૂબ મહત્ત્વ છે. કપડાં હોય કે પગરખાં કે પછી કોઈ પણ એક્સેસરી સરસ મજાના કલરનું કોમ્બિનેશન આકર્ષક લાગતાં હોય છે. ફેશન ઇન્ડસ્ટ્રીમાં જેટલું મહત્ત્વ ફેબ્રિક, પેટર્ન અને ડિઝાઇનનું છે એટલું જ મહત્ત્વ છે રંગોનું. યોગ્ય કલર કોમ્બિનેશનવાળા આઉટસ્ટ્સિ અને ફૂટવેર વ્યક્તિના લૂકને નિખારવામાં મહત્ત્વનો ભાગ ભજવે છે. એક્ચ્યુલી, એમ કહી શકીએ કે આપણે ત્યાં તો રંગોને લઈને એક આખું શાસ્ત્ર અસ્તિત્વ ધરાવે છે, પણ જો ફેશન ઇન્ડસ્ટ્રી ને રંગોના મહત્ત્વની વાત કરીએ તો વિવિધ કલર કોમ્બિનેશનવાળાં કપડાં, પગરખાં 'ને એક્સેસરિઝ સતત નિતનવીન રીતે રજૂ થતાં રહે છે, જેથી જુદી-જુદી સ્કિન ટોનવાળા લોકોને વિકલ્પો મળતા રહે છે. ભારત કૃષિ પ્રધાન દેશ છે એવી જ રીતે ભારત રંગ પ્રધાન દેશ છે. આપણા દેશમાં દરેક તહેવાર, દરેક મોસમ, દરેક પ્રસંગને અનુરૂપ રંગોનાં કપડાંનું વૈવિધ્ય જોવા મળે છે. આ ઉપરાંત કેટલીકવાર અમુક રંગનાં ચિતાર વસ્ત્રો વ્યક્તિની મનોસ્થિતિનો આપવાનું પણ કામ કરે છે. જ્યારે વ્યક્તિ ખુશ હોય છે ત્યારે તેને હેવી કલર જેમ કે લાલ, પીળો, વાદળી વગેરે રંગો પહેરવાનું ગમતું હોય છે. એ જ રીતે અમુક દિવસો એવા હોય છે જે વ્યક્તિને કંટાળાનો અનુભવ કરાવતા હોય, થાકનો અનુભવ કરાવતા હોય તો વ્યક્તિ લાઇટ કલરનાં કપડાં પહેરવાનું પસંદ કરે છે. ટૂંકમાં, મનોભાવોને અભિવ્યક્ત કરવામાં પણ રંગો માધ્યમ બને છે.