કારકિર્દીઃ ફેશન ડિઝાઇનર ફેશન સેન્સની સાથે સર્જન

આજની તારીખમાં ફૅશન અને ટ્રેન્ડ દરેક વ્યક્તિના જીવનનું અભિન્ન અંગ બની ગયા છે. ફૅશન વ્યક્તિની ઓળખ બની ચૂકી છે. કોઈ પ્રયત્નપૂર્વક તો કેટલીક વ્યક્તિઓ અનાયાસે જ ફૅશન આઇકોન બની જતી હોય છે.

- હેતલ ભટ્ટ

દરેક વ્યક્તિ જીવનમાં સફળતા પ્રાપ્ત કરવાની ઇચ્છા રાખે છે અને તે જીવનમાં કેટલો સફ્ળ છે તેનો માપદંડ મહદ્અંશે તેની કારકિર્દીનાં સોપાનો પર આધાર રાખે છે. લોકો એવું જ માને છે કે જો કારકિર્દીમાં સફ્ળ તો જીવનમાં સફ્ળ. દરેક તબક્કે આ વાત સાચી નથી હોતી તેમછતાં મહદ્અંશે લોકો આ જ તર્ક પર જીવન જીવતાં હોય છે. વિધાર્થી દસમું ધોરણ પાસ કરે ત્યારથી જ તેની કારકિર્દીને લઈને સપના જોવા લાગે છે. તેને તેનું જીવન કયા ક્ષેત્રમાં જીવવું છે તેનો નિર્ધાર આ તબક્કા દરમિયાન જોવા મળે છે. ખેર, સમય જતાં તેમાં બદલાવ આવી જાય એ બહુ સાહજિક પ્રક્રિયા છે, પણ જે બનવું છે તેના સપના વિધાર્થીજીવનમાં તે જુએ છે. આજના યુગમાં દરેક વ્યક્તિ પોતાની જાતને પરફેક્ટ બનાવવા માટે કરિયર પર ફોકસ કરે છે. વ્યક્તિ પોતાની જાત સાથે અન્યોને પણ પરફેક્ટ દેખાવવામાં મદદ કરી શકે એવું એક કરિયર છે - ફેશન ડિઝાઇનિંગ.